Gamla síðan

Birt af Lucky Luke þann 8. Jul 2013 Í Blog | Engin ummæli

Fyrir þá sem vilja rifja upp gamla tíma og muna ekki eftir fyrstu heimasíðunni sem að Elli setti upp fyrir klúbbinn þá er hún nú aðgengileg hér, góðar mynningar sem fylgja henni 😉

Ásinn snýr aftur

Birt af Lucky Luke þann 2. Jul 2013 Í Blog | 5 Ummæli

Fyrrum félagi kemur aftur frá Eyjum í byrjun næstu leiktíðar og hefur formaðurinn þegar samþykkt að hann gangi inní klúbbinn eins og aðrir sem hafa komið aftur. Gamlir félagar eru alltaf velkomnir og ættum við að ráða vel við að fjölga um einn ef enginn yfirgefur okkur…en við bíðum staðfestingu frá Timbrinu eftir 10 daga hvort hann sé nokkuð að yfirgefa klakann 😉

Póker á SEY

Birt af Lucky Luke þann 21. Jun 2013 Í Austurland, Blog | 11 Ummæli

Ég er mættur í fjörðinn og einhverjir fleiri jafnvel líka? Þónokkrir væntanlegir fyrir lok mánaðar þannig að það væri gaman að vita hverjir eru í bænum eða hvenær menn mæta uppá að ná spili við einhverja heimamenn á staðnum.

Uppskerumót föstudaginn 31. maí

Birt af Lucky Luke þann 23. May 2013 Í Blog | 17 Ummæli

Formaðurinn býður í uppskerumóti fyrir sumar föstudaginn 31. maí í Hafnarfirðinum. Það verður enginn aðalfundur þar sem ég er alráður og ætla ekki að stunda hefðbundin fundarstörf en mönnum er velkomið að koma með tillögur að breytingum fyrir næsta ár á meðan spilað er 😉

Held að fyrirkomulagið verði að mestu óbreytt. Helsta spurning hvort að við höldum fleiri opin mót og hvort þau eigi nokkuð að vera formleg Bjólfsmót…er að láta það malla og megið endilega koma með comment.

En þúsaranum verður breytt a.m.k. þannig að ef þúsarinn vinnur fær hann sjálfur þúsarann.

Hverjir koma?

3ja ára bið á enda

Birt af Lucky Luke þann 13. May 2013 Í Blog, Bústaður | 1 ummæli

Robocop hélt í trúnna og það skilaði sér að lokum…3ja ára biðin er á enda með sigri =)

Þetta var frábær helgi sem var óeðlilega fljót að líða…enda góður hópur sem átti saman góðar stundir um helgina á lokamóti 2012-2013 tímabilsins.

Á föstudaginn var tekið Bounty mót þar sem að menn fengu þúsara í hvert skipti sem þeir tóku einhvern út. Var það fínt fyrirkomulag á föstudagskvöldinu þar sem menn voru ekkert að eyða neinum $ … þó svo að ekki hafi nú allir verið sáttir við fyrirkomulagið og fá bara að spila eitt spil 😉
Kjötsúpa flæddi út um allt og var hún elduð í öllum trogum sem fundust og étin langt fram eftir nóttu.
Heimsi sýndi veiðimönnunum hvernig á að veiða og potturinn var kyndaður (þó svo að ekki fannst öllum nógu heitt í honum).

Laugardagurinn byrjaði á morgunmat fyrir hádegi og síðustu menn mættu í hús. Potturinn var hitaður meira og hamborgurum skellt á grillið.
Eftir mat byrjaði svo mótið rétt uppúr 4 þegar búið var að veita viðurkenningar, nýja boli, heiðursverðlaun, ræðuhöld og skálað fyrir fjarverandi félögum.

Fyrstu 3 tímana mátti kaupa sig 3svar inn…en reyndar kom í ljós að Maðurinn með svörin við öllu hafði gleymt því og “dottið út” eftir að hafa aðeins keypt sig inn 2svar.

Bjórkeppnnin var einnig fyrstu 3 tímana og náði Eiki Bót og Logi Helgu báðir stigi sem gaf þeim síðarnefnda sigurinn í ár eftir harða keppni frá Bjórhreðjunum sem fékk höndina einu sinni en lenti á móti ásum og fékk ekki tækifæri til að gera neitt úr því. 12 bjórhendur náðu sigri á tímabilinu: Logi (4), Pusi (3), Kári (2) og Bósi, Hobbitinn, Robocop og Eiki (1).

Ásar komu oft upp og áttu ekki alltaf farsælan endi. Fleiri skemmtilegar hendur komu mönnum að óvart eins og þegar að 2♦J♥Á♠8♥10♥ var í borði og Timbrið lagði niður litinn með 7♥9♥ benti Bósi honum nú á að hann væri með litaröð 😉

Einn af öðrum duttu menn út og endaði Timbrið í 3ja sæti og tryggði sér þar með efsta sætið í mótinu eftir að Logi hafði áður tekið út Mikkalinginn og Massinn svo tekið út Loga stuttu síðar. Þá voru Massinn og Robocop einir eftir.

Einvígið um sigurinn
Robocop ( sem er einnig þekktur sem Trúnaðarmaðurinn 😉 hafði lagt trúnna á hilluna í einu spili snemma í spilinu og var það spil sem hefði gefið honum vel…hann tók því ekki vel 😉

Massinn hitti vel og lengi og þegar hann var færður milli borða var hann með stóran stakk fyrir framan sig. Þó eitthvað hafi aðeins farið af honum þá var hann alltaf að hitta og erfiður viðureignar.

Bæði Robocop og Massinn voru á tímabili komnir niður í 20þ chippa. Robocop tapaði fyrir Eika sem átti minni stafla og því hékk hann áfram og Massinn var orðinn svona lítill þegar mun lengra var komið. En báðum tókst þeim að vinna sig aftur upp og þegar þeir sátu 2 eftir voru þeir með um 500þ chippa á milli sín sem rokkuðu fram og aftur.

Í upphafi baráttunnar var Massinn með yfirhöndina. Robocop var all-in með 4♣10♠ þegar 7♣9♠J♠ og 7♥ voru komin í borð og röðin komin en Massinn með gosa á hendi og vantaði tíu til að bjarga sem kom ekki og tvöfaldaði Robocop sig uppí um 200þ.
Massinn var síðar kominn niður í um 90þ þegar hann var all-in með sexupar og Robocop sýndi fjarkapar. Tvær sexur á floppinu gáfu Massanum fernu og hann búinn að ná sér aftur í um 200 kallinn.
Stuttu seinna var Massinn aftur kominn í vanda og all-in með KóngTíu móti ÁsFjarka…tvær níur og tvistur komu á floppinu og ásinn var að halda, sjöa breytti engu en Kóngur á river bjargaði Massanum fyrir horn.
Ekki leið á löngu þar til Massinn var aftur all inn með um 100 kall og séður þegar hann stakk af og fór inní skúr…búinn að halda lengi í sér. Nokkru síðarn kom hann aftur og fékk að sjá 9♦3♦ hjá Robocop og sýndi 10♠5♣ og borðið var 6♣10♦5♦. Massinn með 2 pör en Robocop þurfi bara tígul til að ná litnum. K♠ breytti engu…en 6♦ gaf Robocop litinn og fyrsta sigurinn hjá kappanum eftir hetjulegt einvígi þeirra beggja og fagnaði vel og lengi =) Flott síðasta hönd á frábæru móti.

Það tók 10 tíma (með 2ja tíma matarhléi) að útkljá spilið og enduðu leikar ekki fyrr en 2 um nóttina. Síðan var tekinn smá pottur hjá þeim sem enn voru á fótum áður en men skriðu uppí rúm.

Frábær helgi í alla staði, takk allir saman.

Bounty tournament á föstudaginn

Birt af Lucky Luke þann 8. May 2013 Í Blog | 3 Ummæli

Það verða flestir mættir á fötsudaginskvöldið uppí bústað og ég var að spá hvort við prófum að hafa all bounty mót. Mér dettur í hug tvær útfærslur:

1. að annað hvort hækki bounty, þannig að fyrir fyrstu menn er það lítil upphæð (c.a. 25% af buy-in) og fer svo hækkandi (uppí 50% fyrir (næst)síðasta mann).

2. allir eru jafnir, þannig að fyrir hvern útslátt fær sá sem tók mann út hans buy-in.

Hvað segiði?