Heppni eða ekki?

Mikill spenningur var í loftinu fyrir 2. kvöldið í fyrstu mótinu þegar menn fór að streyma í Casino Massinn einn af öðrum og Timbrið mætti með nýja rétti (& gamla góða) úr vinnunni sem var sérstaklega skemmtilegt og lífgaði uppá stemmninguna…þó svo að jalapenjo hafa orsakað full mikinn viðrekstur undir lok spils hjá sumum 😉

12 meðlimir mættu og langt síðan hefur verið spilað á 2 borðum en auk þess mættu nýliðarnir 2 og fengu húfur í tilefni þess að vera komnir í klúbbinn og verður gaman að sjá hvernig þeir eiga eftir að standa sig.

Rólegt var í endurinnkaupum framan af og aðallega Lillaborðið sem passaði uppá að bæta í pott kvöldsins þar sem menn spiluðu djaft og hrundu svo út eins og flugur og þeir sem eftir sátu sameinuðust Lommaborðinu.

Bósi náði mikilvægu stigi í bjórkeppninni og er nú jafn Loga & Robocop með eitt stig hver. SÁÁ síðasta árs fékk 4 uppgjör og hægt er að sjá nánar hverjir hafa gert upp hvað í bókhaldinu (undir flipanum Innkoma 2012). Enn eiga 7 eftir að gera upp þannig að SÁÁ á enn marga bjóra enn inni 😉

Logi lofaði að sýna mönnum hvernig ætti að spila og ef einhverjir hafa efst um heppni hans á lokamóti síðasta tímabils þá sannaði hann það að Lady Luck er honum enn hliðholl en það var ekki ósjaldan sem hann sýndi Á♦Á♠ eða fleiri pör sem oftar en ekki gáfu vel af sér.

Gott dæmi var þegar Pusi fékk Á♣K♣ á móti mér með Á♦9♠ og ég sá hækkun. Á♠ kom í borð ásamt hundum og ég tékka og hann líka. Turn kemur með 9♥, ég tékka yfir á Pusa sem að fer allur inn og ég sé hann og tek af honum góðan stafla og geri út um spilið fyrir hann.

Bósi náði 3 sætinu og náði síðasta verðlaunasætinu og þá voru bara Logi & Timbrið eftir í baráttunni um sigurinn.

Timbrið náði að taka vel af mér þegar blindir voru komnir uppí 4/8þ og oftar en ekki sem ég þurfti að gefa frá mér spilin sem kostaði mig að hann var kominn um 10% yfir mig (c.a. 125þ móti 140þ chippum) þegar að hann fékk Á♦Á♣ á móti 8♥5♥ og engar stórar hækkanir til að halda mér örugglega inni. Floppið kemur 8♦8♣2♠ og Timbrið endar allur inn og engin ás kemur til bjargar og áttusettið tekur allt nema um 15þ chippa af honum.
Næsta spil fer hann allur-inn og ég sé hann blind. Timbrið sýnir K♦K♠ og ég ég fletti upp 3♣ og næsta spil 3♥ sem var nokkuð lýsandi fyrir kvöldið. Floppið kemur með J♣4♣6♣ í laufi og eitt lauf í viðbót gæti reddað mér á móti kóngunum. Turn er 2♦ þannig að nú er enn hvaða lauf eða fimma sem að gefur mér lit eða röð. Vitir menn í þeim töluðu orðum kemur 5♣ sem gefur mér (bæði röðina og) litinn og gerir útaf við kóngana hjá Timbrinu…þetta var mjög dæmigert við það sem hafði verið að gerast allt kvöldið og lítið var hægt að gera við þessu.

Timbrið heldur toppsætinu í fyrstu mótaröðinni en Logi sækir á hann eitt stig og Bósi kemur sterkur og jafnar Iðnaðarmanninn og Robocop 3ja sætinu í keppninni. Lokapottinum er skipt milli 3ja efstu í sömu hlutföllum og pottum á kvöldi þannig að það geta margir blandað sér í baráttuna um fyrsta lokapottinn sem mun skýrast á síðasta kvöldi fyrsta móts eftir 4 vikur.

Skemmtilegt mót eins og alltaf og ánægjulegt að sjá mætinguna góða, nokkrar myndir frá kvöldinu. Tvö kvöld búin, 8 eftir og þetta verður bara meira spennandi með hverju mótinu 😉