Líkur á sigri: 100%

Skrifað af Lomminn þann 29. Mar 2011 in Fréttir | 2 athugasemdir

Ég hef undirbúið mig svo gríðarlega fyrir komandi mót að ég er farinn að vorkenna ykkur nú þegar. Til að þið verðið ekki rasskelltir illilega og niðurlægðir hef ég verið að gefa ykkur grundvöll til ykkar eigin undirbúnings, t.d. með Bók mánaðarins. Nú hef ég bætt í búið og veitt ykkur aðgang að grundvelli allra veðmála í póker, hvenær skal kalla og hvenær pakka? Umfjöllunina um líkur er að finna undir hjálparhöndin á stikunni.

Ekki slá hendinni á móti þessari hjálparhönd, því hún mun hjálpa þér að hitta á nokkrar hendur en þú þarft sem fyrr að vara þig á þeim sem er laus höndin. Þeim sem gera allt með hangandi hendi er hins vegar ekki viðbjargandi. Sjálfs er höndin hollust!

Ný skoðanakönnum og skráning

Skrifað af Lomminn þann 29. Mar 2011 in Fréttir | Engar athugasemdir

Þar sem sú staða kom nú upp að möguleiki væri að mótinu yrði frestað voru meðlimir hvattir til að skrá sig sem fyrst af tillitssemi við aðra meðlimi sem vildu fá á hreint hvort mótið væri af eða á. Þetta gekk ekki snuðrulaust fyrir sig og virðist sem það séu yfirleitt þeir sömu sem trassa að svara eða svara yfir höfuð ekki.

Þess vegna er aftur tekin upp sú pæling að koma á einhvers konar refsikerfi til að gera skráningu skilvirkari. Þið hljótið að sjá óþægindin fyrir þann sem heldur mótið þegar hann veit ekki hvort um er að ræða eitt eða tvö borð og óþægindi fyrir alla um hvort þurfi að fresta móti. Það er því líka gott að fá vita hverjir koma ekki.

Annað hvort þurfa menn að taka sig á eða við þurfum að setja eitthvað kerfi á. Nýjasta skoðunakönnunin tekur á þessu máli og geta menn kosið fleiri en eitt já svar.

Ný könnun

Skrifað af Lomminn þann 11. Mar 2011 in Fréttir | Engar athugasemdir

Þrátt fyrir slæmt veður og ófærð undanfarið náðum við 50% kjörsókn í skoðanak0nnuninni okkar og vildu allir kjósendur hækka árgjaldið. Flest atkvæði fékk hækkun upp í 3.000 kr. eða 5 talsins. Þar með verður árgjaldið 3.000 kr. og greiðist við upphaf næsta tímabils (sept. 2011).

Ný könnun hefur litið dagsins ljós og nú er kannað viðhorf til nýju síðunnar. A.T.H. – HÆGT ER AÐ VELJA FLEIRI EN EITT SVAR.

7-2 reglan (bjórhöndin)

Skrifað af Lucky Luke þann 7. Mar 2011 in Bjór, Fréttir | 10 athugasemdir

7♠2♥ reglun er sú að í hvert skipti sem að unnið er á bjórhöndina (sjöu-tvist) fær viðkomandi eitt prik innan þess tímaramma sem reglan er í gildi (sem er yfirleitt fyrstu 4 loturnar, eða um 2 tímar).

Sá sem hlýtur flest prik á tímibli á inni 72 bjóra frá hinum meðlinunum (kippa á mann) sem gerast skal upp á Uppskerumóti eða fyrsta móti þar á eftir.

Mottur 2011

Skrifað af Lucky Luke þann 6. Mar 2011 in Fréttir | 4 athugasemdir

Það var rætt á afmælismótinu að þeir sem væru að safna mottu myndu ekki raka þær fyrr en eftir næsta mót!
Þannig að mottusafnarar passa uppá að leyfa vextinum að vera einum degi lengur 😉

Upphafið að endinum

Skrifað af Lomminn þann 5. Mar 2011 in Fréttir | 15 athugasemdir

Þá er síðasta mótaröðin farin af stað með nýjum tækifærum, nýrri spennu, sláandi atvikum, nýjum vonbrigðum og nýrri von.

Ákveðið var að setja tvist sjöu reglu í þessari mótaröð. Hún virkar þannig að sá sem hefur unnið oftast á 2♠7♠ (sama hvaða sort) þegar mótaröðinni líkur fær kippu af 500ml bjór frá öllum meðlimum.

Það fer að vera hálf leiðinlegt að tilkynna Bósa sem sigurvegara auk þess sem hann tók þússarann fyrir að slá iðnaðarmanninn út en aldrei þessu vant spilaði ég eins og maður og náði öðru sætinu (hlýtur að vera aldurinn). Einhverjum datt í hug að fara í cash game eftir mótið en sökum ölvunar var erfitt að fylgjast með hver vann hvað. Allir keyptu sig inn fyrir 1.000 kr. og ég hafði unnið nokkra potta en samt tókst mér að tapa 2.500 kr????

Ég vil þakka mér fyrir að halda mótið og bjóða meðlimum upp á þesu líka fínu súpu, Massanum fyrir nautsrassinn sem fór í súpuna, Iðnaðarmanninum fyrir snakkið, Timbrinu fyrir sektina (kökurnar), Loga Helgu fyrir myndatökuna og að lokum ykkur öllum fyrir afmælisgjöfina.

Þússari á Bósa í næsta móti.