Einvígísmót á föstudeginum í bústaðnum

Í bústaðnum í ár verður spilað einvígismót á föstudeginum. Fyrirkomulagið verður þannig að allir leikmeinn fá þúsundkall úr bústaðapottinum og leggja hann undir í einvígi við andstæðinginn.

Sá sem vinnur heldur áfram í næstu umferð.

Allir fá 15þ chippa í upphafi hverrar rimmu og blindir verða fastir 200/400 (nema í úrslitum).

Ef allir mæta eru það 16 spilara og því 8 rimmur eru háðar í fyrstu umferð. Síðan 4, 2 og úrslit þar sem að sigurvegari færi um 70%+ af verðlaunum.

Áætlað er að spila c.a. 4 rimmur í einu m.v. að vera með 2 borð og spila 2 einvígi á hvoru borði.

Hver rimma er tímatakmörkuð þannig að ef ekki er komin niðurstaða í einvíginu innan 10 mínútna þá er sá sem hefur fleiri chippa eftir 10 mín. úrskurðaður sigurvegari.

Fyrsta umferð tekur því í mesta lagi 20 mín. (spilað í tvemur hollum). Önnur, þriðja og fjórða umverð 10 mín hver. Þá ættum við að ná fram í úrslit á um klukkutíma. Úrslitarimman verður síðan með hækkandi blindum á 5 mín. fresti.

Ætti að verða stutt og skemmtilegt mót þar sem allir fá að spreyta sig í að vera á móti einum í rimmu upp á líf og dauða…passið bara að tíminn vinnur hratt á móti ykkur og mikilvægt að komast í forystu.