Iðnaðarmaðurinn tekur fyrstu ★ tímabilsins

11 vaskir Bjólfsmenn mættu til leiks hjá Iðnaðarmanninum í gær og byrjuðu leikar á að gerður var upp bjór og spjallað að vanda þannig að við byrjuðum aðeins seinna en áætlað var…svona eins og alltaf 😉

Bjór var gerður upp af tvemur og eiga þá fimm enn eftir að gera upp við Iðnaðarmanninn. Tvö bjórstig komu í hús hjá Mikkalingnum og Gumma nágranna sem var að taka fyrsta bjórstigið sitt…ever.

Hobbitinn gerði sér ferð alla leið að Norðan og hafði betur í för sinni við óvætti og drísla og komst heill til bæja áður en nóttin skall og óveður á norðurlandi.
Hann náði ekki að næla sér í verðlaun í kvöld en mig grunar að það hafi verið vegna þess að Massinn var oft á tíðum með lítinn stafla og eitthvað var það að trufla Hobbitann að einhver annar væri að hanga og herma eftir honum 😉

Atvik varð þegar að Lucky og Mikkalingurinn áttu að sýna og Lucky var ekki með spilin sín fyrir framan sig. Þau voru komin inn á borðið með öðrum spilum. Hann gat nefnt þau en upphófust þá miklar umræðum um hvernig ætti að taka á þessu mál.
Lucky benti á að fordæmi hefðu oft verið fyrir að menn hefðu sagt öðrum hvaða hönd þeir voru með í spili (ekki þegar komið var að sýna eins og nú) og fengið að halda áfram.
Mikkalingurinn benti á að ef leikmaður væri ekki með höndina sína þá væri hann búinn að gefa hana.
…endaði þetta að við splittuðum pottinum á milli okkar (eins og höndin hefði aldrei spilast) en þetta virðist vera eitthvað sem þarf að skýra í reglunum…tökum þetta í umræðu annars staðar.

Annað “atvik” var þegar að Bótarinn var að standa upp frá borði og búinn að gefa spiliði og byrjað að safna saman spilum þegar ég benti mönnum á að telja spaðana en þá voru 4 spaðar í borði og Bótarinn með 4♠ sem gaf honum lit og sigur og gat því haldið áfram.

Þriðja atvikið átti sér svo stað án þess að spilarar gerðu sér grein fyrir…önnur pókerblinda kom upp og fattaðist ekki þegar að Lucky og Iðnaðarmaðurinn voru tveir eftir og svona sá ég húsið frá mér á móti þrennunni sem að Iðnaðarmaðurinn var með:

En vissulega var hann líka með hús og þrennan hans hærri þannig að hann hefði átt að taka þennan sigur.
Sem betur fer náði hann þessu öllu aftur og rúllaði upp kvöldinu og fyrstu mótaröðinni og hefur 4 stiga forystu í Bjólfsmeistarakeppninni þegar að einn þriðji af 2017-2018 tímabilinu er liðinn.

Ég hvet menn til að fara vel yfir spilin áður en að menn gefa frá sér, spurning hversu oft þetta hefur gerst hjá okkur og enginn tekið eftir.

Eins gott að “heiðarleikinn” ræður för =)

Frekar upplýsingar um stöðuna á stigatöflunni og nokkrar myndir: