Lomminn mættur aftur

Það voru 10 Bjólfsmenn sem settst að spilum hjá Iðnaðarmanninum á öðru kvöldi í síðustu mótaröðinni. Með 10 leikmenn eru aðeins borguð út 2 sæti en það var áætlað að við yrðum 11.

Bjór
Lomminn & Ásinn náðu sér báðir í fyrsta bjórstigið sitt og ljóst er að það getur allt gerst í bjórkeppninni þó svo að Timbrið haldi enn eins bjórstigs forystu á Bótarann þá eru nú 8 spilarar með eitt bjórstig og þurfa aðeins 2 til að ná að jafna efsta mann.

Lomminn
Það fór ekki framhjá neinum að Lomminn var mættur og byrjaði hann fyrsta spil á að tvöfalda sig upp og var þá heldur betur kominn í gírinn sem hann fór ekki úr allt kvöldið. Efstu menn duttu allir út í miðju spili og Gummi nágranni þurfti að horfa enn einu sinni á eftir verðlaunasæti og taka bubble sætið. Pusi varð síðan að játa sig sigraðan af Lommanum sem var óstöðvandi.

Ég sest við borðið með nýtt motto: “Til að lifa, verður þú að vera tilbúinn til að deyja”

-Lomminn

Staðan
Staðan er æsispennandi. Lomminn kemur sterkur inní síðustu mótaröðina og spurning hvort hann muni gera eitthvað tilkall til lokapottsins í henni (en þá þarf hann reyndar að vinna upp 10 stiga) forystu sem að Pusi er með á toppnum í þriðju mótaröðinni.
Pusi er á mikilli siglingu á toppnum í mótaröðinni eftir síðstu tvö mót og spurning hvar hann væri ef hann hefði mætt á öll kvöld en hann er aðeins með 4 kvöld skráð en samt hærri en sumir sem hafa mætt oftar og jafnvel alltaf.

Bjólfsmeistarakeppnin
Það eru 4 sem eru mjög líklegir að hampa Bjólfsmeistaranum í ár. Hobbitinn situr eftir með að mæta ekki um helgina en Bótarinn heldur enn forystunni. Timbrið skreið upp fyrir Lucky í annað sætið og Mikkalingurinn er rétt á eftir honum og aðeins 5 stig frá fyrsta til fjórða sætis. Bótarinn lítur vel út og með eitt af hæðstu meðaltalsskorum og hefur staðið sig vel á öllum þeim mótum sem hann hefur mætt…en hann eins og Mikkalingurinn slepptu einu kvöldi og eru því að standa sig betur en margir sem hafa alltaf mætt.
Það verður spennandi að sjá hvernig staðan breytist með síðasta kvöldinu fyrir bústaðinn…

Næst kvöld
3 vikur í næsta mót…17. apríl, enn er ekki kominn gestgjafi, látið vita ef þið viljið halda.

Myndir
Ekki var mikið af myndum og vantaði sárlega Massann með listræna augað sitt.