Mótsmetið hækkaði í 59 á síðasta tímabili 💪

Það fékk ekki að standa lengi metið sem Mikkalingurinn setti í annarri mótaröð XV þegar hann náði 57 stigum og sló þar með gamalt stigamet. Í þriðju mótaröðinni steig Lucky fram og var nánast óstöðvandi – hann tók tvo sigra og það var aðeins Lomminn sem náði að stoppa hann af á síðasta mótinu í bústaðnum. Með því hindraði hann Lucky í að taka fullkomið mót, en þó ekki í að setja nýtt met.

59 stig er því nýtt og glæsilegt mótsmet í Bjólf, og eins og sagan hefur sýnt okkur: met eru til þess að slá. Þau endast sjaldan lengi þegar hetjur Bjólfsmanna mæta við spilaborðið með Gyðju Gæfunnar í bakvasanum – eða Böðul Bölsins á hælunum.

Þrír hafa nú á síðustu árum slegið mótsmet og myndast er spennandi kapphlaup um hver situr á toppnum þegar rykið sest. Nú er spurningin: verður þetta 59 stiga met slegið strax á sextánda tímabilinu sem hefst í vikunni, eða fær Lucky að njóta þess aðeins lengur?