8 dagar í lokamótið – Föstudagsspilið í ár

Birt af Lucky Luke þann 5. May 2017 Í Bústaður, Fréttir | Engin ummæli

Við höfum yfirleitt leikið okkur í einhverjum pókerleik á föstudagskvöldinu. Sælla minninga var High-Low (þar sem besta og versta hönd vann hverja hönd) þar sem Massinn féll út á fyrstu hönd með drottningar á hendi og var frekar foj yfir þessu öllu saman sem var hálf óskiljanlegt að halda reiður á enda breyttist allt mjög hratt.

Að þessu sinni munum við spila “Allir eru þúsari” þannig að hver sá sem tekur annan leikmann út fær þúsara (þúsundkall) að launum.

Annað verður svipað og við þekkjum, blindralotur hækka eins og ekkert verið að safna bjórstigum 😉 Allir fá 15þ chippa og þurfa ekki að kaupa sig inn, þetta er hluti af félagsgjöldunum.

Lesa meira

9 dagar í lokamótið – varningurinn í ár

Birt af Lucky Luke þann 4. May 2017 Í Bústaður, Fréttir | Engin ummæli

Það er búið að tryggja nýja boli fyrir sjöunda tímabilið. Þó svo að Formaðurinn hafi verið mjög seinn í að komast í undirbúning þá var nægur tími til að redda hönnun og prentun á bolina…þannig að við getum verið allir í stíl þegar við tökum hópmyndatökuna þarnæstu helgi 😉

Ég bind smá vonir við að Spaða Ásinn mæti í bústaðinn þar sem smá varningur sem var keyptur á síðasta ári þyrfti helst að vera afhentur af honum…sjáum hvort það verður ekki örugglega af því =)

Bjólfsmeistarinn mun fá smá-gripi einnig, þannig að eitthvað verður fyrir alla þó svo að aðrar hugmyndir hafi ekki náð í tíma fyrir framleiðslu og verða á bíða til næstu ára.

Lesa meira

10 dagar í endalokin á 2016-2017 tímabilinu

Birt af Lucky Luke þann 3. May 2017 Í Bústaður, Fréttir | Engin ummæli

Það er merkilega stutt síðan að 7. tímabilið byrjaði eins og alltaf hjá Iðnaðarmanninum í byrjun september fyrir 8 mánuðum. Nú eru aðeins 10 dagar þar til að við verðum allirflestir samankomnir til að fagna enn einu árinu…og eins og það hafi verið í gær sem við vorum síðast í bústað fyrir ári.

Fljótt að líða
Það er vel við hæfi að rifja upp þá fleygu setningu sem að Iðnaðarmaðurinn lét falla þegar við vorum nýkomnir í bústað eitt árið:
Viti strákar, það versta við að vera komnir í bústaðinn er að fyrr en varir verður helgin búin.
Orð að sönnu, tíminn flýgur og það styttist í mót með hverjum deginum.

Gúmmídúkurinn
Eftir bústaðinn í fyrra verslaði ég gúmmídúk sem hefur heldur betur sannað sig og ætla ég að sjá hvort við verðum okkur ekki út um annan svona og losum okkur við Lokaborðið (sem tekur bara pláss) og jafnvel þá líka Massaborðið 2.0 sem er í góðu yfirlæti hjá Iðanarmanninum.

Fjésbókin
Mætingar hafa verið færðar alfarið yfir á Facebook síðu klúbbsins og er það mikill kostur að menn hafa auðveldan aðgang að því jafnframt því að geta sjálfir stofnað viðburði eins og Robocop sýndi frammá nýlega og kom Formanninum verulega að óvart =)

Daglegar fréttir fram að bústað?
Eins og síðustu ár mun koma ný frétt hér á heimasíðunni á hverjum degi (líklega um hádegisbil), þannig að fylgist með og takið þátt í umræðunni í facebook…sjáumst eftir 9 daga (geri ráð fyrir að allir sem mæti komi uppí bústða á föstudeginum =)

Lesa meira

Bótarinn 1

Birt af Lucky Luke þann 30. Apr 2017 Í Mót | Engin ummæli

Átta vaskir Bjólfsmenn mættu til Robocop á síðasta heimamótið á þessu tímabili. Timbrið nýtti það vel að búið er að leyfa ótakmörkuð endurinnkaup fyrsta klukkutímann og var það að skila sér fyrir hann á endanum…

Röð manna sem duttu út:

• Bósi var ekki jafn farsæll og þrátt fyrir góða byrjun þá endaði hann fyrsti maður út.
• Iðnaðarmaðurinn fór næstur út og því ljóst að opið var fyrir aðra að taka forystuna í Bjólfsmeistarakeppninni.
• Heimavöllurinn var ekki að gera sig nógu vel fyrir Robocop sem átti góða spretti en endaði þriðji út.
• Stuttu síðan fór Mikkalingurinn frá borðinu sem hafði byrjað á að taka fyrsta pott kvöldsins sem var nokkuð stór en eftir það hafði lítið gerst og aðeins nokkrar hendur sem hann tók yfir kvöldið.
• Lucky Luke fylgdi fljótlega á eftir þrátt fyrir að hafa sýnt gamla heppnistakta þá dugðu þeir ekki til þegar hann hafði níu par á móti tíu pari hjá Timbrinu.
• Killerinn tók bubble sætið þetta skiptið og var að sjá eftir verðlaunum.
• Bótarinn fór stuttu seinna og því aðeins einn maður sem datt ekki út í kvöld.
• Timbrið tók sigurinn þrátt fyrir að hafa keypt sig oftast inn og verið kominn niður í upphafsupphæð á tímabili eftir að innkaup voru lokuð.

Bjólfsmeistarakeppnin

Spennan er nú í hámarki í Bjólfsmeistarakeppninni og er Bótarinn (47 stig) kominn með eins stigs forystu á Iðnaðarmanninn (46 stig). Mikkalingurinn (44 stig) 3 stigum á eftir efsta manni og Timbrið (43) rétt á eftir. Lucky er síðan með 39 stig og gæti átt möguleika ef menn detta snemma út í bústaðnum en næsti maður þar á eftir Bósi með 29 stig og nánast ómögulegt að það muni duga til að landa efsta sætinu eftir bústaðinn. Þannig að baráttan um meistaratitilinn í ár er ein sú mest spennandi og spurning hvort að það verði nýr meistari krýndur þar sem Bótarinn og Lucky hafa einokað þennan titil.

Hérna er yfirlit yfir þróun stiga:

Bjórmeistarakeppnin

Killerinn náði sér í eitt stig en Iðnaðarmaðurinn er efstur með 6 og með það góða forystu að menn þurfa að raða inn bjórstigum í bústaðnum til að ná honum.
Allaf er hægt að sjá stöðuna á bjórstigum á stigatöflunni og ef að einhver frétt er opnuð á síðunni þá eru upplýsingar um hliðarkeppnir hægra megin.

Síðasta mótaröðin

Bótarinn og Mikkalingurinn eru með forystu með 16 stig og Lucky og Timbrið með 15 stig en það á eftir að breytast mikið í bústaðnum þar sem lítil er á milli manna. Hægt að sjá stöðuna yfir þriðju mótaröðina með að raða niðurstöðun á stigatöflunni eftir “Mótaröð 3” (með því að smella á þá fyrirsögn í töflunni).

Robocop takk fyrir heimboðið, þú færð heiðurinn af því að taka töskuna og dúkinn með í bústaðinn 😉

2 vikur í bústað…nú þarf að skella öllu á fullt í undirbúning!!!

Lesa meira

Iðanaðarmaðurinn 2

Birt af Lucky Luke þann 1. Apr 2017 Í Mót | Engin ummæli

8 Bjófslmenn sóttu Iðanaðarmanninn heim sem hreinlega átti kvöldið…heimavöllurinn var heldur betur að gefa, hann tók sigurinn, þúsarann, eina bjórstigið og var bara með þetta allan tímann…enda með Bjólfshúfu á hausnum og í Liverpool bol =)

Með þessu eina bjórstigi sem kom þetta kvöldið er Iðnaðarmaðurinn með góða 6 stiga forystu í Bjórkeppninni. Það er helmingi meira en Mikkalingurinn sem er í öðru sæti með 3 og síðan koma aðrir með 2 eða 1 og verður erfitt fyrir menn að ná að hífa sig upp með aðeins 2 kvöld eftir.

Timbrið mætti eftir langa fjarveru og endaði á því að taka annað sætið og ná í verðlaun. Massinn sást líka aftur en þurfti að láta sér 3ja (bubble) sætið duga eftir að hafa sýnt góða frammistöðu og hangi lengi á litli. Mikkalingurinn og Bótarinn eru nú í öðru sætinu í Bjólfsmeistarakeppninni, 4 stigum á eftir Iðnaðarmanninum sem virðist ekki ætlar að láta neitt stoppa sig þetta árið.

Lesa meira