Vika í Bjólf XVII – tími til að hita upp spilin🃏og kæla🍺

Þá er aðeins ein vika þar til við hittumst og hefjum Bjólf XVII. Og eins og alltaf byrjum við tímabilið hjá Iðnaðarmanninum. Engin breyting þar á – sumu í lífinu má einfaldlega ekki hagga. Þó að við munum enda tímabilið á allt öðrum stað er eitt alveg víst: það verður án efa gaman hjá okkur á hverju kvöldi og ekki ólíklegt að einhverjar góðar setningar fái að fljúga…

„Ég var með plan… svo kom fljótið.“

Nú fer hver að verða síðastur að setja upp planið fyrir veturinn. Alltaf góð taktík að taka Ásinn á þetta, mæta sem oftast og tryggja sér þannig möguleika á að landa titlinum. Það þarf jú ekki annað en að vera mættur þegar hinir eru ekki.

„Ég er ekki fullur, ég er bara orðinn betri í póker.“

Svo er spurning hverjir mæta til að fá sér einn bjölla, hverjir mæta til að hitta menn og njóta kvöldsins, hverjir mæta til að vinna og auðvitað hverjir ætla að gera allt í einu. Og þá má ekki gleyma þeim sem eiga enn eftir að gera upp skuldir sínar við Bjórguðinn. Það er aldrei of seint að færa fórnir, safna stigum og koma sér í náð hjá þeim sem ræður yfir bjórnum.

„Ég vissi alveg hvað þú varst með… ég bara trúði því ekki.“

Einhverjir munu ábyggilega treysta á Gyðju Gæfunnar og vona að hún fylgi þeim alla leið. Spurningin er bara hvort hún leiði menn að rétta staðnum – eða hvort Böðull Bölsins bíði handan við hornið með sitt klassíska „nei“ og menn fara heim að skúra.

„Ég ætlaði að folda, en svo mundi ég hver ég er.“

Aðrir treysta einfaldlega á sjálfa sig, spila sín spil á sínum forsendum og láta örlögin sjá um restina. Enda er ekki hægt að kenna verndarvættunum um allt. Stundum þarf maður bara að taka ábyrgð á eigin ákvarðanatökum.

„Ég ætla bara að vera rólegur… nema ég fái góð spil.“

Og þannig hefst enn einn kaflinn í sögu Bjólfs. Nýtt tímabil, ný tækifæri, ný bjórstig, nýjar hetjur og væntanlega nokkrir sem ætla að „spila bara rólega“ en eru komnir í all-in eftir fyrsta klukkutímann.

Sjáumst eftir viku á fyrsta kvöldi Bjólfur XVII! 🍺🃏🔥