Sterkur á spilin

Posted by Lucky Luke on 2. May 2015 in Blog, Húmor, video | 0 comments

Hérna má sjá góða yfirlýsingu frá Massanum í fyrra…það er engin spurning að hann er sterkur á ýmsum sviðum og margir sem mega taka hann sér til fyrirmyndar við borðið…enda sjaldan nein lognmolla í kringum Massann.

Tölfærði um klúbbinn

Posted by Lucky Luke on 30. Apr 2015 in Blog, Tölfræði | 0 comments

Á þessum fimm árum sem við höfum starfrækt klúbbinn og um 4 árum heimasíðuna er ýmislegt áhugavert sem er hægt að taka fram.

Mót

• 5 ár
• 10 mót/kvöld sem telja í mótaröð hvers árs
• Að meðaltali mæta 9.7 á hvert mót
• Að meðaltali eyða menn 2.371 krónum á móti
• Yfir ein milljón hefur króna skipt um hendur. Uppbyggingin er þannig að þessi uphæð á að deilast milli margra, hér er aðeins miðað við heildar vinningshæðir óháð innkaupum en allar vinningsupphæðir eru birtar óhvað hvað menn keyptu sig oft inn.
• Hæðsta skor fyrir tímabil: 81 stig – Lucky Luke (2013)
• Hæðstu ársvinningur: 67þ – Lucky Luke (2014)…góðar líkur á því að Bótarinn slái þetta í bústaðnum í ár.
• Hæðsta skor í mótaröð: 36 – Hobbitinn (2012)…en útlit er reyndar fyrir að þetta verði slegið í bústaðnum í ár.

Heimasíðan

• 300 póstar
• 1000 comment…það var víst rangt að við værum búnir að brjóta 1000 & 2000 múrinn þ.s. þá var aðeins horft í númer á commentum en span comment telja þar inní.
• 45.000 spam comment sem hafa aldrei verið birt á síðunni (góð filtering í gangi móti svoleiðis rugli)
• 3167 aðilar(tölvur) hafa heimsótt síðuna
• 42þ síðuflettingar
• Flestar heimsóknir (aðilar/tölvur) á dag: 100 þann 20. apríl 2011
• Langflestar heimsóknir koma frá Íslandi (90%), 2% frá Brazilíu og 2% Bandaríkjunum og síðan nokkur prósent frá öðrum löndum.

Hvenær er komið nóg?

Posted by Lucky Luke on 29. Apr 2015 in Blog, Hvernig á að spila póker | 0 comments

Hérna eru þrjár góðar reglur varðandi það að stundum er gott að hugsa hvort ekki sé komið nóg og tími til að pakka. Það er alltaf leiðinlegt að detta út og stundum er maður óheppinn og ekkert við því að gera…en stundum á maður líka alveg sjálfur orsökina á því og gott að renna yfir þennan lista og sjá hvort eitthvað má bæta í spilamennskunni:

1. Ekki spila allar hendur
Það getur verið freistandi að spila á allar hendur og sérstaklega þegar langt er síðan spilað var síðast. Vissulega er alltaf hægt að vera fáránlega heppinn en líkurnar eru á því að það muni kosta þig meira á að sjá margar hendur heldur en það gæti hugsanlega fært þér. Veldu hendurnar og auktu líkurnar á því að vinna á góðar hendur.

2. Ekki halda í hönd bara af því að þú ert þegar með í pottinum
Stundum er freistandi að halda áfram og sjá hvort að aðrir hafi ekkert og halda áfram að sjá hækkanir hjá öðrum. En ef þú ert ekki með góða hönd þá eru góðar líkur á að einhver annar sé með eitthvað og að fara að taka pottinn. Það er alltaf erfitt að kveðja það sem er búið að setja í pottinn…en getur borgað til sig að tapa ekki meiru að sinni.

3. Ekki sjá síðustu hækkun að óþörfu
Ef það er komin hækkun frá öðrum á þig eftir river og þú heldur að hann sé með þig þá skaltu ekki sjá nema þú viljir í raun fá að sjá höndina sem hann var með og ætlir að gera eitthvað við þær upplýsingar. Stundum ertu vissulega með hönd og átt erfitt með að trúa að hann sé með eitthvað og ætlar að fá ða vita það…þá er kannski gott að muna það næst í sömu stöðu í staðin fyrir að tapa meiru þá og læra af því sem þú borgar fyrir.

“Nýja” handhæga Bjólfsborðið

Posted by Lucky Luke on 22. Feb 2015 in Blog, Borð, Búnaður | 9 comments

Þar sem ég er orðinn hálf þreyttur á að drösla borðinu mínu út um allt (og Lommaborðið er enn í geymslu hjá Heimsa fyrir næsta bústað 😉 þá ákvað ég að gera eitthvað í þessu…

Með Hobbitanum á Hobbitann 3

Posted by Lucky Luke on 28. Dec 2014 in bíó, Blog | 3 comments

Þá er komið að lokahlutanum í sögunnni um Hobbitann á hvíta tjaldinu sem er orðin árleg hefð að fara á kringum jólin.

Hobbitinn okkar er reyndar upptekinn í stækkun fjölskyldunnar þannig að við gerum nú ekki ráð fyrir að hann hafi tíma til að kíkja með okkur…en við óskum honum og fjölskyldu innilega til hamingju og munum skála fyrir honum í kvöld.

Það verður í kvöld í Smáralind kl. 20:00 (venjulegur salur) og stefnan er að taka jafnvel stærri börn með…fyrir þá sem vilja hittast áður þá verðum við á Fridays kl. 18:30

Tengjast gegnum Facebook

Posted by Lucky Luke on 12. Nov 2014 in Blog | 0 comments

Jæja, þá er nú í boði að skrá sig inná síðuna í gegnum Facebook. Ætti þetta að auðvelda mönnum mikið að skrá sig inná síðuna til að commenta þar sem það hefur verið að valda sumum vandræðum.

Nú er kominn hnappur efst hægra megin þar sem hægt er að tengjast sig…hann lúkkar svona:

Til þess að menn séu skráðir inn sem sínir notendur hér þarf að vera sama netfang skráð hjá ykkur á Facebook og hérna á síðunni…annars eru þið skráðir inn með nafninu ykkar á Facebook en ekki Bjólfsnafninu ykkar hér.

Vonandi verður þetta til hagræðina fyrir alla =)