9. tímabilið er hafið

Birt af Lucky Luke þann 8. Sep 2018 Í Mót | Engin ummæli

Að venju hófum við leika hjá Iðnaðarmanninum og við hæfi að á 9. tímabilinu mættu 9 Bjólfsbræður til leiks.

Kapteinninn mætti til leiks í fyrsta skipti og náði í 4. sætið á fyrsta móti, Mikkalingurinn tók bubble sætið og efstu menn voru Spaða Ásinn og Iðnaðarmaðurinn.

Það var mikið um gosa þetta kvöldið og viðeigandi að sigurhöndin hjá Iðnaðarmanninum var J♣2♠ þar sem borðið var K♥J♥6♠J♦3♦ þegar Ásinn hafði 6♠8♠ og þrír gosar höfðu sést þónokkru sinnum um kvöldið.

Iðnaðarmaðurinn landaði því fyrsta sigri sem og fyrsta bjórstiginu, þannig að heimavöllurinn var að gera sig og tekur hann forystu í öllum keppnum.

Ásinn var á því að þetta væri sitt tímabil…þannig að þetta verður spennandi vetur =)

Allar frekari upplýsingar er hægt að sjá á stigatöflunni.

Næsta mót hjá Bósa 5. október.

Timbrið er sjóðheitur

Birt af Lucky Luke þann 19. Apr 2018 Í Mót | Engin ummæli

Það var föngulegur hópur sem mætti til Mikkalingsins síðasta föstudag og settust menn beint á lokaborðið.

Iðnaðarmanninum er að farnast flugið eftir að hafa misst af síðasta móti og endaði fyrstur út og því ljóst að gestgjafinn gat skotist enn lengra frammúr en fyrir mótið munaði aðeins 2 stigum á þeim félögum.

Stigataflan er með uppfærðri stöðu frá OPEN mótinu, aðeins Mikkalingurinn og Lucky hafa mætt á öll mót sem komið eru og því einu sem eru að eins að fá hækkun…Mikkalingurinn er að ná að hækka lægsta skorið sitt um 2 stig og Lucky ekki einn (þ.s. hann fék það fá stig frá OPEN).

Timbrið var heitur og nældi sér í bjórstig og tók því forystuna í Bjórkeppninni með 3 stig og Mikklingurinn er með 2 og nokkrir með 1 stig.

Lucky varð næstur út og Spaða Ásinn hafði orð á því að hafa sjaldan setið við borðið lengur en Lucky…en síðan stóð Ásinn næstur upp 😉 Bóndinn, Bensi og Bótarinn fylgdu og Mikkalingurinn beið lægri hlut á móti Timbrinu sem tók annan sigurinn í röð og með góða stöðu í 3ju mótaröðinni fyrir síðasta kvöldið í maí.

Menn eru að hugsa um að leggja í púkk og senda Timbrið á námskeið í Outlook hjá The Ace

Timbrið mætir með látum

Birt af Lucky Luke þann 18. Mar 2018 Í Mót | Engin ummæli

Það var skyndilega sem sumir mundu eftir að það væri Bjólfsmót í miðjum mánuði og rétt náðist í 5 félaga til að setjast beint niður á lokaborðið.

Timbrið kom með látum og var fljótur að stimpla sig inn með tvemur bjórstigum og er því kominn í toppbaráttuna þar hnífjan Mikkalingnum. Hann gerði sér svo lítið fyrir og tók sigur á fyrsta kvöldinu í síðustu mótaröðinni.

Staðan
Á stigatöflunni má sjá stöðuna eins og hún er eftir að búið er að taka inn breytingar frá OPEN mótinu. Það hafði verið rætt að geyma það þangað til í bústaðnum en þá er fyrirsérð að allt færi í bál og brand þannig að fínt að það sé búið áður en komið er seint á laugardagsnóttinu og enginn veit hvað er í gangi lengur 😉

Mikkalingurinn hefur því 2ja stiga forystu á Iðnaðarmanninn og eru þeir tveir farnir að stinga aðra af í Bjólfsmeistarabaráttunni í ár.

Síðasta heimamótið verður 13. apríl og óskað er eftir heimboðum…síðan er bara bústaðurinn í maí.

Bósi mætir með látum

Birt af Lucky Luke þann 24. Feb 2018 Í Mót | Engin ummæli

10 Bjólfsmenn mættu til Lucky í gærkvöld og áttu góða stund saman á meðan rigning og rok léku um landið.

Mikkalingurinn mætir með látum

Birt af Lucky Luke þann 4. Feb 2018 Í Mót | Engin ummæli

Það var föngulegur hópur sem mætti til Lucky á föstudaginn og tóku annað kvöldið í annari mótaröðinni þar sem boðið var uppá 2 bjóra á krana: Rummungur og Litli Bjólfur sem báðir féllu vel í kramið hjá mönnum.

Mikkalingurinn var á siglingu og tók bjórstig og sigur á kvöldinu en Iðnaðarmaðurinn var í öðru sæti og heldur því enn 6 stiga forystu í Meistarakeppninni sem er nú meira en hálfnuð.
Ath. að ekki er búið að telja inn stig vegna Bjólfur OPEN til hækkunar, það verður jafnvel bara gert í bústaðnum til að auka á spennuna 😉

Mikkalingurinn er þá kominn með 2 bjórstig en nokkrir eru með eitt og er hann fyrstur þar.

Kepnnin í annari mótarðinni er æsispennandi þar sem Gummi nágranni er með 2ja stiga forystu á Iðnaðarmanninn og Lucky einu stigi þar á eftir og Mikkalingurinn einu stigi á eftir honum…þannig að næsta mót sem er síðasta kvöldið í þeirri mótaröð mun skera úr um hver tekur næstu stjörnu.

Mikkalingurinn hefur fengið sér nýjan bíl til að koma pókerborðinu fyrir…það er verið að skoða magnafslátt á Ford Focus station fyrir klúbbinn

Örfáar myndir:

Bjólfur OPEN 2018

Birt af Lucky Luke þann 2. Jan 2018 Í Bjólfur OPEN, Mót | Engin ummæli

Þá er komið að því að halda árlega OPEN mótið þar sem Bjólfsmenn bjóða vinum og vandamönnum.

Helst reglur má finna undir almennar reglur og alltaf gott að lesa yfir siðareglur Bjólfs 😉

Heltu atriði: