Tímabilið hefst

Skrifað af Lucky Luke þann 8. Sep 2011 in Blog | Engar athugasemdir

Ásinn (einnig þekktur sem Iðnaðarmaðurinn og einnig sem Stjórnmálafræðingurinn) býður heim á fyrsta mót tímabilsins. Vel til fundið þar sem við munum væntanlega spila fram yfir miðnætti og þá verður komið afmæli hjá gestgjafanum.

Áminning

Skrifað af Lomminn þann 3. Sep 2011 in Mót | 5 athugasemdir

Ég minni spilara á skráningaskylduna. Það þarf að skrá sig í mót fyrir kl. 24 fyrir mótsdag (fimmtudag) til að fá engin refsistig. Ef skráningu er breytt (eða spilarar gera upphaflegu skráningu) innan við þrem tímum fyrir mót verða veitt 3 refsistig.

Skráningareglur má skoða hér.

Bók mánaðarins

Skrifað af Lomminn þann 31. Aug 2011 in Bók mánaðarins | 4 athugasemdir

Sumri halla tekur og haustið nálgast með splunkunýjum mótaröðum, nýjum sigurvegurum og nýjum bolum en það er alltaf sama eftirvæntingin, sama gleðin og sama svekkelsið á lélegri spilamennsku og sama vissan um að gera betur næst sem heillar.

Það er ekki seinna vænna en að hefja undirbúninginn með bók mánaðarins en hún er eftir engan annan en meistara Doyle Brunson. Bókin heitir Super system – a course in power poker. Ég læt ósoðin meðmæli fylgja með á frummálinu:

This is a classic book on every major no-limit game played today and is considered by many pros to be the best book ever written on poker! Jam-packed with advanced strategies, theories, tactics and money-making techniques – no serious poker player can afford to be without this essential book!

Uppskerumót 2011

Skrifað af Lucky Luke þann 13. Aug 2011 in Blog | 2 athugasemdir

9 Bjólfsmenn hittust og tóku smá upphitun fyrir komandi leiktíð. Auk þess var bolum, meistarahúfunni og öðrum verðlaunum dreift, þannig að þetta var svona annað uppgjör á síðasta keppnistímabili.
Bjólfsmeistarinn minnti á sig og tók mótið og var Massinn í öðru sæti og var hann vel að því kominn fyrir að hýsa okkur eins og oft áður.

Uppgjör pókerársins 2010-2011

Skrifað af Lomminn þann 23. May 2011 in Blog | 2 athugasemdir

Þá er frábæru pókerári lokið og enn á ný hefst biðin eftir næsta ári. Með jafnri og góðri spilamennsku og með dash af heppni hreppti Logi Helgu titilinn Bjólfsmeistarinn 2011 og óskar Pókerklúbburinn Bjólfur honum til hamingju með það. Hann fékk Föroya bjórsafn að launum að ógleymdri sérmerktri Bjólfsmeistaraderhúfu frá Merkt.is sem verður afhent í næsta mánuði ásamt bolunum og 72 bjórum.