Merkingin komin

Skrifað af Lomminn þann 1. Feb 2011 in Fréttir | 15 athugasemdir

Loksins eru límmiðarnir komnir og þetta lítur bara nokkuð vel út. Það er auðveldara og fljótlegra að setja þá á en ég bjóst við en mun samt taka smá tíma. Það er ánægjulegt að geta spilað með sérmerkta chippa á eins árs afmæli Bjólfs 🙂

Lesa meira

Mótaröð 2 lokið

Skrifað af Lomminn þann 30. Jan 2011 in Mót | 10 athugasemdir

Nú er annarri mótaröð af þremur á þessu pókerári lokið og var það hinn heiðarlegi Bósi sem vann hana. Massinn hafnaði í öðru sæti og Iðnaðarmaðurinn náði því þriðja. Það voru þrír jafnir að stigum í þriðja sæti og var sú regla því sett á, að þátttaka í færri mótum skilar meðlimur ofar í sæti. Þetta er í vissri mótsögn við markmið klúbbsins um að sem “flestir meðlimir hittist einu sinni í mánuði” þar sem mönnum er hampað fyrir að mæta sjaldnar í tilvikum sem þessum en það gefur auga leið það er ekki vænleg hernaðaráætlun að stíla inn á þetta og því ekki óeðlileg regla.

Iðnaðarmaðurinn vann þriðja og síðasta mótið í mótaröðinni og því verður bounty á hann næst þó svo að það verði í nýrri mótaröð. Það sem stendur helst upp úr þegar ég fer að hugsa um mótið er hvað ég drakk mikið af “góðu” kaffi og skolaði því niður með köldu öli, ég man þó að Iðnaðarmaðurinn vann á K♦10♦

Ég minni þá sem eiga eftir að láta Loga fá upplýsingar um bolinn að gera það sem fyrst.

Lesa meira

Þétt setið á El Grillo mótinu

Skrifað af Lomminn þann 28. Dec 2010 in Austurland | Engar athugasemdir

Þá er jólamóti Bjólfs lokið og eins og alkunna er var það kennt við El Grillo í ár. Mætingin var vonum framar og voru þátttakendur 41 að meðtöldum tveimur boðsgestum og komust færri að en vildu. Heildarpotturinn var 112.000, tvær rútur af El Grillo, pizzuveisla fyrir tvo, vindill og síðast en ekki síst El Grillo meistaraderhúfa. Hér má sjá alla sem hlutu vinninga.

 

1.    Ómar                 48.000 (húfa og vindill)
2.    Róbert Örn       25.000
3.    Jón Kolbeinn    14.000
4.    Kolbrún Lára    11.000
5.    Ísleifur                8.000
6.    Hjörtur Gulla     6.000

Aukaverðlaun

El Grillo pakki fyrir 7. sæti – Ingvar
El Grillo pakki fyrir að slá Óla bæjó út – Ísleifur
pizzuveisla fyrir 2 í Skálanum fyrir að slá Guðna út – Jói Hansa

Menn settu upp cash game þegar fór að týnast úr mótinu og þar sem mótstjórinn hafði ekki tök á þátttöku í mótinu vegna fjölda spilara lét hann til sín taka þar. Þá var leikurinn í ensku deildinni sýndur á tjaldinu, barinn opinn og feiklega góð stemning í hópnum. Einnig er gaman er að segja frá því að þrjár stúlkur tóku þátt og stóðu sig með mikilli prýði. Helgi og Örvar í Útvarp Seyðisfjörður færðu fréttir af mótinu þegar dró til tíðinda auk þess að taka viðtal við mótsstjóra og ber ég þeim þakkir fyrir það.

Elvar Snær

Lesa meira

Árlegt jólamót

Skrifað af Lomminn þann 9. Dec 2010 in Austurland | Engar athugasemdir

Nú fara jólamótin á Seyðisfirði að teljast til árlegs viðburðar og stækka mótin með hverju árinu. Mótið í ár verður það stærsta til þessa og hef ég fengið El Grillo bjór til að styrkja mótið með eigin framleiðslu auk þess sem það verður haldið á Hótel Öldunni þar sem verða tilboð á barnum. Einnig hef ég fengið Óla bæjó og Guðna í sjoppunni í lið með mér til að setja bounty á þá og kýs ég að kalla það “þeir eftirsóttu”. Þetta verður feikilega skemmtilegt mót sem enginn ætti að missa af. Aukaverðlaun í boði El Grillo auk SÉRMERKT BJÓLFS/EL GRILLO HÚFA Í VERÐLAUN FYRIR SIGURVEGARANN, ekkert slor það.

Lesa meira

Sérmerktir chippar

Skrifað af Lomminn þann 3. Dec 2010 in Fréttir | Engar athugasemdir

Það væri gaman að láta merkja chippana okkar. Ég held að það myndi gefa þessu skemmtilegan blæ og aukin fíling. Það er reyndar grátlega dýrt hér á landi, sérstaklega þegar um er að ræða límmiða en ekki þrykkingu beint á chipsin en ef við myndum láta merkja öll 1.000 chipsin myndi það kosta 27.000 kr. Það væri möguleiki að láta lokapottsféð fara í þetta en það tæki okkur ca. sex skipti.

Lesa meira