Bjólfur XIII – sjöunda kvöld

Afmælismótið var haldið hjá Massanum í gær og með því þokast hann einu móti nær því að hampa þriðja sætinu í að hafa haldið flest mót. Klúbburinn er 13 ára í dag og fagnar afmælisdeginum með Stofnandanum og Bjólfur kastar kveðju yfir landið (eða ofan af fjallinu ;). Í tilefni dagsins er skemmtilegt að rifja upp smá eins myndir frá afmælismótinu 2011…sjaldan leiðinlegt að garfa í gömlu dóti hérna á síðunni 😉

Það var góð mæting…enda hafði mikið gengið á í aðdragana mótisins þar sem Massinn hafði ætlað með mótið norður og endaði í Salómonsdóms og formaður kom með yfirlýsingu á síðasta móti til að skýra það að mót Bjólfs væru að öllu jöfnu haldin á stórhöfuðborgarsvæðinu (nema að Formaðurinn ákveði annað… því eins og við vitum allir þá er bara ein regla í Bjólfi eins og svo frábærlega var útskýrt og sett í fleyga setningu á boðsmótinu í ár).

En þrátt fyrir góða mætingu þá var Massinn með aðra leið til að reyna að koma mönnum úr jafnvægi með að bjóða uppá minnsta borð sem spilað hefur verið við…

Bjórstig

Það voru tveir sem mældu sér í sitt fyrsta bjórstig á tímabilinu. Kannski var það heimavöllurinn sem hjálpaði Massanum að næla sér í það og Killerinn var næstum á heimavelli þar sem hann mætti með sinn eigin stól…þannig að “heimavellirnir” voru að gera sig í Bjórmeistarakeppninni. Með þessum stigum eru sex jafnir með eitt stig og ennþá allt galopið í bjórkeppninni í ár.

Spilið

Þegar búið var að ákveða á hvaða borðum ætti að spila 😉 þá var sest niður og þriðja mótaröðin hafin í 2022-2023 tímabilinu. Hvað sem gerðist fyrir hlé skipti/r ekki máli en eftir hlé fóru menn að dettta út.

Bensi var fyrstur, stuttu eftir hlé, til að taka það á sig að vera fyrstur út.

Hobbitinn er svo ólíkur sjálfum sér í kvöld…hækkar áður en spil koma í borð

(Massinn reynir að lesa í Hobbitann)

Hobbitinn náði ekki að hanga lengur en að vera næstur út.

Mikkalingurinn yfirgaf spilið næstur…og byrjar nýju mótaröðina ekki vel 😉

Ég ætla bara að einbeita mér að næstu mótaröð

(Mikkalingurinn dottinn út og áður en hann vissi að þetta var fyrsta kvöldið í nýrri mótaröð)

Spaða Ásinn sem var með góða fyrstu í Bjólfsmeistarakepnninni fyrir kvöldið var fjórði út og hleypti því smá spennu í keppnina með að gefa öðrum kost á að ná sér.

Timbrið var fimmti maður út og með því voru átta eftir og sameinað á lokaboð.

Gummi nágranni lét sjá sig í fyrsta skiptið á tímabilinu…endaði sjötti út…en fékk loksins bolinn sinn frá síðasta bústað þannig að hann fór ekki tómhentur heim.

Ég get ekki farið í karíókí…ég kann enga texta

(setning kvöldisins/ársins?)

Robocop var næstur út…fór heldur ekki tómhentur heim því hann fékk líka bolinn sinn frá síðasta bústað (en það var umsjónarmanni Bjólfsbúðarinn að kenna að hafa ekki skilað honum til hans fyrr).

Svakaleg hönd
Q♦Q♥ leit vel út með Q♠Á♣8♦ í borði eftir floppið. En þegar Á♠8♠ fékk 8♣ í fléttunni (turn) þá var bara drotting sem hefði geta bjargað konunum frá húsinu en 2♠ á fljótinu (river) tryggði húsinu sigur.

Kapteininn tók sjötta sætið og náði mikilvægum stigum í meistarakeppninni.

Hr. Huginn dugði ekki lengur en að ná í fimmta sætið.

Massinn varð að sætta sig við búbbluna og rétt missti af verðlaunasæti.

Bótarinn hafði sveiflast upp og niður á lokaboðinu en endaði í þriðja sæti, mikilvæg stig í meistarakeppninni og verðlaunasæti á kvöldinu.

Lokahöndin

Lokarimman var bara tvö spil. Lucky hélt að hann væri öryggur með þrjá kónga en Killerinn þurfti bara einn spaða…og spaðinn kom á fljótinu og tryggði Killernum sigurinn.

Lucky tók annað sætið og bætti aðeins stöðu sína í meistarakeppninni og á enn möguleika á að skjóta mönnum ref fyrir rass þar.

Killerinn kom seint líkt og síðast þegar við kepptum fyrst á þessum stað og endaði á að taka kvöldið. Menn grínuðust með að hann myndi ábyggilega endurtaka leikinn þar sem hann var ekki mættur þegar spilið byrjaði…og vitir menn það var ekkert sem gat stoppað hann í kvöld…virðist vera að gera sig að mæta með sinn eiginn (trommu)stól...eða kannski ekki þar sem honum fór að ganga best þegar hann var sendur af rauða borðinu yfir á bláa og skildi stólinn eftir 😉

Enn eitt frábært kvöld að baki og næst er það bara aprílmótið og svo lokamótið til að klára tímabilið og fara í sumarfrí.