Blindralotur uppfærðar

Skrifað af Lucky Luke þann 1. Oct 2022 in Fréttir, Reglur | Engar athugasemdir

Smávægilegar breytingar hafa verið gerðar á blindralotum eftir síðasta mót þar sem skipulagið var ekki alveg komið í gang og ruglaði menn aðeins.

Fyrstu 4 loturnar eru 30 mín og þá eru bjórstigin í gildi. Þetta var eitthvað skakkt við uppsetninguna á mótinu síðast og 20 mín lotur fóru í gang…en er nú væntanlega búið að tryggja að gerist ekki aftur þar sem lotur hafa verið uppfærðar í iPaddinum og búið að stilla fyrir næsta mót.

Eftir fyrstu 4 loturnar eru spilaðar 3×20 mín lotur og að þeim loknum eru bæði rauðir og grænir chippar teknir út og blindir hafa verið hækkaðir til að auðvelda og flýta spilinu þegar svona langt er komið.

Sjá nánar á uppfærði síðu fyrir Blindralotur.

Upphitun fyrir kvöldið

Skrifað af Lucky Luke þann 2. Sep 2022 in Fréttir | 2 athugasemdir

Fyrir þá sem þurfa að koma sér í gríinn fyrir kvöldið þá eru hérna nokkur ráð:

• Lestu yfir Siðareglur Bjólfs…bara til að tékka hvort þú ert ekki með allt á hreinu
• Finndu góðan Bjólfsbol (og/eða annan varning) til að mæta í…ef þig vantar eitthvað þá er jafnvel eitthvað til í Bjólfsbúðinni
• Smelltu Bjólfsmenn spila í gang
• …svo líka Ekki skvetta pottnum

Ef þú ert ekki kominn í gríinn núna þá er ekkert annað að gera en að setja þetta á repeat þangað til menn eru orðnir peppaðir!

Hver verður næsti Bjólfsmeistari?

Skrifað af Lucky Luke þann 1. Sep 2022 in Fréttir | Engar athugasemdir

Nýtt tímabil er alveg að fara að byrja og spurning hver ætlar sér að taka Bjólfsmeistarann í ár.

Á síðunni Bjólfsmeistarar má sjá alla meistara frá upphafi sem og stiga og verðlaunamet.

Þessi listi er nú frekar stuttur þar sem það eru enn bara þrír sem hafa hamapað titlinum og alveg orðið tímabært að nýjir menn fari að girða sig í brók og skáka þeim þremur.

Mikkalingurinn á stigametið og sama fyrirkomulag verður á stigunum á ár þannig að það er hægt að skáka það…en verðlaunametið gæti verið erfitt að slá hjá honum þar sem sigurlaunin úr OPEN töldu hjá honum þegar hann landaði því síðast og það telur á við nokkur almenn mót…þannig að menn verða að taka OPEN mótið til að eiga möguleika á að slá verðlaunamatið 😉

Lucky landaði sjöunda Bjólfsmeistaratitilunum síðast og spurning hvort hann er bara búinn að eigna sér þetta sæti með því að hafa sigrað síðustu þrjú tímabil? Eða mun nýr meistari koma fram á komandi tímabili…línur byrja að skírast á föstudaginn…og þeir sem mæta eiga miklu betri möguleika 😉

Bjórmeistarar frá upphafi…hver tekur bjórinn næst?

Skrifað af Lucky Luke þann 31. Aug 2022 in Bjór, Fréttir | Engar athugasemdir

Á síðunni Bjórmeistarar má sjá alla sem hafa unnið 7-2 keppnina frá upphafi.

Kapteininn tók þriðja Bjórmeistarann á síðasta tímabili og sá þriðji á fjórum árum, þannig að hann er orðinn vel kunnugur að spila með sjöu-tvist og fá eitthvað fyrir það.

Þannig að allir að muna að votta Bjórguðnum virðingu með að afhenda honum kippu af bjór fyrr en síðar til að halda honum góðum 🙂

Hingað til hafa níu á einhverjumtímapunti verið með Bjórmeistaratitilinn og spurning hver ætlar sér að taka bjórinn í ár…er Kapteinninn óstöðvandi…kemur nýr Bjórguð til sögurnnar?

Sérmerktir spilastokkar

Skrifað af Lucky Luke þann 30. Aug 2022 in Búnaður, Fréttir | Engar athugasemdir

Smá tilraun fyrir næsta tímabil að við verðum með sérmerkta spilastokka. Það verða rauðir og gulir til í stíl við litaþemað í síðasta bústað. Tveir eru svo með hvítan ramma, þannig að það er enginn stokkur eins.

Ekki var mikil ánægja með 4 lita stokkana (enda góður hluti af klúbbnum litblindur eða orðinn hálf sjónlaus 😀 ) svo við höfum þessa bara tvílita (svarta og rauða) þannig að menn þurfi ekki að erfiða of mikið við að skilja litina ;D

Planið fyrir komandi tímabil

Skrifað af Lucky Luke þann 29. Aug 2022 in Fréttir | 2 athugasemdir

Þá er komið að því að hefja 2022-2023 tímabilið. Þetta er þá þrettánda tímabilið og BJÓLFUR XIII verður án efa jafn gott og öll hin fyrri.

Við hefjum leika að vanda hjá Iðnaðarmanninum sem ætlar að keyra þetta í gang á föstudaginn eins og hann gerir alltaf með stæl.

Hérna er svo planið fyrir veturinn og einnig alltaf aðgengilegt hægra megin á síðunni (nema ef menn eru í síma þá er það ekki birt 😉

• 2. september – (Iðnaðarmaðurinn)
• 7. október
• 4. nóvember – (Hr. Huginn)
• 9. desember – (Lucky Luke)
• 13. janúar – Boðsmót Bjólfs á Rauða Ljóninu (Mikkalingur)
• 3. febrúar
• 3. mars
• 7. apríl
• 5. – 7. maí – Bústaður

Sjá einnig FB færslu þar sem menn geta látið stjórnina vita (eða í spjalli okkur) ef menn vilja bjóða heim.