Gokart 2012 – úrslit

Birt af Lucky Luke þann 10. May 2012 Í Fréttir | 5 Ummæli

Það voru 8 Bjólfsmenn sem að hittust og klæddu sig í hjálma og stigu um borð í keppnisbílana í kvöld. Sem betur fer hafði Logi prófað þetta um daginn og komist að því að ekki var boðið uppá keppnisgalla þannig að allir voru undirbúnir í “drullugöllunum”.

33 afmælispóker 9Q

Birt af Lucky Luke þann 6. Dec 2011 Í Fréttir | 7 Ummæli

Bjólfsmeistarinn 2011 býður til afmælisveislu í tilefni góðs pókersaldurs 3♥3♦ með pizzu og póker þann 9♣Q♠ næstkomadi.

Reglubreytingar

Birt af Lomminn þann 15. Apr 2011 Í Fréttir | 4 Ummæli

Í ljósi uppákomu í kringum síðasta mót hafa verið gerðar nokkrar breytingar á reglum og refsingum.

Hugmyndin mín var aldrei að vera einhver einvaldur í klúbbnum en þar sem langflestir meðlimir hafa ekki mikla skoðun á umgjörð hans ákveð ég reglur og refsingar eftir mínu höfði en þó m.t.t. skoðannakanna og umræðna. Þeir sem eru ósáttir geta mætt á mót hjá Pókerklúbbnum Strandatindi 😉

• Reglan um lágmark 8 meðlimi verður afnumin. Dagsetningar standa.
  
• Þeir sem skrá sig eða breyta skráningu eftir miðnætti á fimmtudegi fyrir mót fá 1 refsistig
• Þeir sem skrá sig ekki, hvort sem um er að ræða JÁ eða Nei, fá 1 refsistig.
• Þeir sem skrá JÁ en mæta ekki eða breyta skráningu minna en þremur tímum fyrir mót fá 3 refsistig.

Líkur á sigri: 100%

Birt af Lomminn þann 29. Mar 2011 Í Fréttir | 2 Ummæli

Ég hef undirbúið mig svo gríðarlega fyrir komandi mót að ég er farinn að vorkenna ykkur nú þegar. Til að þið verðið ekki rasskelltir illilega og niðurlægðir hef ég verið að gefa ykkur grundvöll til ykkar eigin undirbúnings, t.d. með Bók mánaðarins. Nú hef ég bætt í búið og veitt ykkur aðgang að grundvelli allra veðmála í póker, hvenær skal kalla og hvenær pakka? Umfjöllunina um líkur er að finna undir hjálparhöndin á stikunni.

Ekki slá hendinni á móti þessari hjálparhönd, því hún mun hjálpa þér að hitta á nokkrar hendur en þú þarft sem fyrr að vara þig á þeim sem er laus höndin. Þeim sem gera allt með hangandi hendi er hins vegar ekki viðbjargandi. Sjálfs er höndin hollust!

Ný skoðanakönnum og skráning

Birt af Lomminn þann 29. Mar 2011 Í Fréttir | Engin ummæli

Þar sem sú staða kom nú upp að möguleiki væri að mótinu yrði frestað voru meðlimir hvattir til að skrá sig sem fyrst af tillitssemi við aðra meðlimi sem vildu fá á hreint hvort mótið væri af eða á. Þetta gekk ekki snuðrulaust fyrir sig og virðist sem það séu yfirleitt þeir sömu sem trassa að svara eða svara yfir höfuð ekki.

Þess vegna er aftur tekin upp sú pæling að koma á einhvers konar refsikerfi til að gera skráningu skilvirkari. Þið hljótið að sjá óþægindin fyrir þann sem heldur mótið þegar hann veit ekki hvort um er að ræða eitt eða tvö borð og óþægindi fyrir alla um hvort þurfi að fresta móti. Það er því líka gott að fá vita hverjir koma ekki.

Annað hvort þurfa menn að taka sig á eða við þurfum að setja eitthvað kerfi á. Nýjasta skoðunakönnunin tekur á þessu máli og geta menn kosið fleiri en eitt já svar.

Ný könnun

Birt af Lomminn þann 11. Mar 2011 Í Fréttir | Engin ummæli

Þrátt fyrir slæmt veður og ófærð undanfarið náðum við 50% kjörsókn í skoðanak0nnuninni okkar og vildu allir kjósendur hækka árgjaldið. Flest atkvæði fékk hækkun upp í 3.000 kr. eða 5 talsins. Þar með verður árgjaldið 3.000 kr. og greiðist við upphaf næsta tímabils (sept. 2011).

Ný könnun hefur litið dagsins ljós og nú er kannað viðhorf til nýju síðunnar. A.T.H. – HÆGT ER AÐ VELJA FLEIRI EN EITT SVAR.