Nýtt fyrirkomulag í næstu mótaröð

Skrifað af Lomminn þann 14. Jan 2012 in Blog, Mót | 2 athugasemdir

Það verður örlítið breytt fyrirkomulag í næstu mótaröð (M3). Það er eitt mót eftir í þessari mótaröð (M2) og því tekur þetta fyrirkomulag ekki gildi fyrr en eftir næsta mót.

Fyrirkomulagið ER skjalfest á síðunni og því gott og gilt fyrir næstu mótaröð 😉 Þetta er afbrigði sem við spiluðum í afmælismótinu hans Loga með örlítið lagfærðum upphæðum. Nú kaupa allir sig inn fyrir hámarksupphæð og ráða hvenær þeir taka hluta af staflanum sínum.

Friday the 13th

Skrifað af Lomminn þann 14. Jan 2012 in Mót, Myndir | 4 athugasemdir

Það var gríðargóð mæting á síðasta mót og vantaði aðeins Bóndann þar sem hann var upptekinn við að bjarga efnahag þjóðarinnar úti á ballarhafi. Við vorum því þrettán meðlimir á föstudaginn þrettánda og spiluðum þar með á tveimur borðum.

Fyrsta mót ársins á föstudaginn

Skrifað af Lomminn þann 10. Jan 2012 in Mót | 4 athugasemdir

Eftir fjölskyldufrestun er komið að fyrsta móti almanaksársins föstudaginn 13. Að þessu sinni býður Massinn okkur í sinn rómaða skúr á nýjan leik og heyrst hefur að vegna ófærðar í sumarbústaðinn er Heimir að hugsa um að heiðra okkur með nærveru sinni. Það þarf að taka þann dreng ærlega í gegn og lesa honum pistilinn þar sem hann hefur ekki enn greitt árgjaldið né mætt á eitt einasta mót á þessu pókerári. Iðnaðarmaðurinn er búinn að skrá sig í mótið og lofar betrun í mætingu með betri forgangsröðun.

Skráningar eru farnar að detta inn og verður rauði penninn dreginn upp á miðnætti á fimmtudag!

Skrá í mótið

ÚRSLIT – Bjólfur OPEN 2011

Skrifað af Lomminn þann 31. Dec 2011 in Boðsmót, Mót | Engar athugasemdir

Alls tóku 36 spilarar þátt í Bjólfur OPEN á Öldunni þetta árið og var góð stemning á mönnum en í ár tók engin kvennmaður þátt, sem fyrr var haft á orði að þær þyrftu að vera til staðar til að gefa og bauð einn bæjarbúi sína snót til verksins á næsta ári.

Adólf Guðmundsson var sá eftirsótti (bounty) og stóð sig með stakri prýði þrátt fyrir örlitla hnökra en þetta rifjaðist upp fyrir honum eftir sem leið á mótið. Manna tókst þó á endanum að slá Adda út og hreppti fyrir það 10 KÍLÓ af fiski.

Bjólfur invitational

Skrifað af Lomminn þann 3. Dec 2011 in Mót | 7 athugasemdir

Þá er jólahlaðborði Bjólfs lokið með fínnri þátttöku og góðri stemningu. Eftir að hafa skolað pizzum og borgurum niður með jólabjór var gefið í spil og fengu Bjólfsmenn ekki eins slæma útreið og á mótinu í fyrra á Rauða ljóninu en þó voru tveir boðsspilarar sem stóðu sig aðeins of vel.

Bjólfur OPEN

Skrifað af Lomminn þann 10. Nov 2011 in Boðsmót, Mót | 7 athugasemdir

Bjólfur á bókaðan pókersalinn á Rauða ljóninu Eiðistorgi fyrir næsta mót, föstudaginn 2. desember. Eins og í fyrra verður mótið opið fyrir vini og vandamenn meðlima og gott væri að skrá þá um leið og meðlimir skrá sig eða í það minnsta láta mig vita með öðrum hætti hversu mörgum þeir ætla að bjóða.

Við hittumst kl. 19:núllnúll í pizzu og bjór og til að stilla saman strengi en mótið byrjar kl. 20:núllnúll

Mótafyrirkomulag verður nánast óbreytt en bætt hefur við loturnar og rebuy hækkað í 1.500 kr. Þá hefur þússarinn verið færður yfir á næsta mót. Fyrir þá sem ekki hafa spilað áður með klúbbnum verður fyrirkomulagið eftirfarandi: