Boðsmót Bjólfs 2025

Birt af Lucky Luke þann 11. Jan 2025 Í Boðsmót | Engin ummæli

Kvöldið byrjaði snemma hjá þeim sem mættu í mat og spjall fyrir spil. Að því loknu settust 32 þátttakendur við fjögur borð og hófu spil á tólfta Boðsmótinu sem haldið er í byrjun árs á Rauða Ljóninu. Í ár fengum við enn betri þjónustu; borðin voru sett upp sérstaklega fyrir okkur, og það þurfti að grafa djúpt til að finna pókerborðin á staðnum… sem hafa hugsanlega ekki verið notuð síðan á síðasta Boðsmóti. 😉

Spilið

Spilinu var síðan ýtt úr vör og gekk það bara ljómandi vel, þó nokkrir smá tæknilegir örðugleikar skutu upp kollinum – handvirkar tilfærslur milli borða urðu stundum að lausninni. Einhverjir glímdu við símanotkunina, á meðan aðrir voru augljóslega hneykslaðir yfir skyndilegri hækkun blindra þegar líða tók á kvöldið. Þrátt fyrir það sátu allir við sama borð (bókstaflega!) og héldu leiknum í sómasamlegum farvegi, með flestum að fylgja siðareglunum – eða næstum því. 😉

Bjólfsmennirnir fengu þó sannkallaða þvottabrettameðferð og hrundu út eins og lauf í haustroki. Þeir voru þó einstaklega rausnarlegir og gáfu öðrum tækifæri til að komast langt í mótinu. Sumir þeirra yfirgáfu borðin með ásapar í hendi – en sú hönd virtist vera sannkölluð bölvun þetta kvöldið fyrir Bjólfsmenn. Menn gátu lítið sett út á spilamennskuna; heilladísirnar voru einfaldlega öðrum hliðhollari.

Úrslit

Yfirlit yfir spilara eftir hversu langt þeir náðu:

1. Ari Páll (50þ) – með sinn fyrsta sigur á Boðsmóti og kominn á Boðsmeistaralistann, skemmtilegt að hann sé búinn að landa sigri þ.s. hann hefur mætt ósjaldan.
2. Mikkalingurinn (40þ) – hélt uppi heiðri Bjólfs með að vera síðasti meðlimur klúbbins þegar komið var að lokaboðið og leit vel fyrir lokarimmuna en réð ekki við AP þar þrátt fyrir að vera á sínum “heimavelli” og hefur sjálfur unnið oftar en einu sinni á boðsmótunum í gegnum árin.
3. Drottningin (26þ) – hefur líka mætt með okkur í mörg ár og skemmtilegt að hún nældi sér í verlaun í ár (jafnvel fyrstu verðlaun ef pistlahöfundur man rétt) og hefur haldið uppi heiðri kvennpeningsins gegnum árin og verður kannski hvatning fyrir aðrar að mæta núna.
4. Hrannar (13þ) – fyrsta boðsmótið hjá honum og gerði sér lítið fyrir og skelli sér í verðlaun.
5. Snáðinn
6. Ísak
7. Adam
8. Trommuþrællinn
9. Nágranninn
10. Iðnaðarmaðurinn
11. Hr. Huginn
12. Massinn
13. Spaðinn
14. Hobbitinn
15. Birdy Boy
16. Alex
17. Bennsi
18. Mikael
19. Atli Þór
20. Bótarinn
21. David
22. Guðni
23. Jón Hafliða
24. Thorhallur
25. Kapteininn
26. Erlendur
27. Timbrið
28. Lucky
29. Massinn jr.
30. Gunni Bóndi
31. Jóhannes
32. Robocop

Myndir

Hópmyndatakan í ár var tekin innanhúss. Þó við höfum nú oftast hoppað út fyrir, þá tókum við líka innimynd 2023 og gaf það sumum möguleikann á að fara í smá uppstillingu…og láta fara vel um sig 😉

Styrktarsjóðurinn

Í ár söfnuðum við í Minningarsjóð Jennýjar Lilju og enduðu 134.500kr þar með ástarkveðju frá öllum sem studdu <3

Takk fyrir þáttökuna á Boðsmóti Bjólfs 2025 og sjáumst að ári 🙂

“Við erum founding memebers” (Bjólfsmenn á spjalli)

Boðsmót Bjólfs 2024

Birt af Lucky Luke þann 21. Jan 2024 Í Boðsmót, Fréttir | Engin ummæli

Eins og alltaf var einstaklega flottur hópur sem mætti á Rauða Ljónið í hið árlega Boðsmót þar sem Bjólfarar buðu gestum að eiga með sér kvöldstund. Byrjað var á mat og drykk yfir spjalli á meðan fólk var að safnast saman og allir gengur sáttir þaðan til spils.

Boðsmótið 2023

Birt af Lucky Luke þann 14. Jan 2023 Í Boðsmót, Fréttir, Mót | 4 Ummæli

Góður hópur sem mætti til leiks á Boðsmótinu í ár, margir mættu snemma í mat og drykk sem var vel þegið að næra sig á líkama og sál fyrir spil.

Það er bara ein regla í Bjólfi….formaðurinn ræður!

(Bjólfsbróðir að útskýra klúbbinn fyrir gesti)

Boðsmótið 2022

Birt af Lucky Luke þann 5. Mar 2022 Í Boðsmót, Fréttir | 1 ummæli

Það var föngulegur hópur af 27 gæðablóðum sem mættu á Boðsmót Bjólfs 2022 á Rauða Ljóninu í gærkvöldi og hituðu upp með mat og drykk fyrir spil.

Boðsmót Bjólfs 2022

Birt af Lucky Luke þann 25. Feb 2022 Í Boðsmót, Mót | 1 ummæli

Þá er loks komið að því aftur að við bjóðum gestum að spila með okkur. Við náðum mótinu 2020 saman (eins og myndin fyrir ofan ber vitni um) en í fyrra vorum við á netinu vegna Covid…en getum nú hist aftur miðað við núverandi reglur.

Eins og alltaf verðum við á Ljóninu og fyrirkomulagið einfalt, 4þ kall inn, engin endurkaup. Hver spilari fær 2×15þ chippa og getur haldið eftir öðrum (15þ. kr. staflanum) og átt inni ef hinn klárast eða sótt hann hvenær sem er fyrsta klukkutímann…þá fá allir hann sem ekki hafa sótt og spilað þar til sigurvegri situr eftir.

Mótið hefur nú fengið rétt nafngift sem Boðsmót og leggjum við þar með OPEN nafninu sem notast hefur verið hingað til. Bæði er það fallegra á okkar ylhýra sem og meira lýsandi um að mótið er aðeins aðgengilegt með boði frá Bjólfsmanni en ekki opið hverjum sem er.

Í ár munum við eins og oft áður hafa frjáls framlög til styrktar Minningarsjóð Jennýjar Lilju og þið sem viljið kynna ykkur það nánar bendum við á https://minningjennyjarlilju.is/ <3

Sjáumst á fyrsta Boðsmóti Bjólfs (og jafnfram því 12. 😉

Talaðu við þinn Bjólfsmann ef þig langar að vera með 😉

Fyrir þá sem vilja skoða hvernig fyrri mót hafa verið þá er hægt að fletta í gegnum fréttir af fyrri boðsmótum.

Bjólfur OPEN 2021

Birt af Lucky Luke þann 2. Jan 2021 Í Boðsmót, Fréttir | Engin ummæli

Styrktarmótið í ár var haldið á netinu í samstarfi við Coolbet.com sem lagði til styrk til Ísólfs (Björgunarsveitar Seyðisfjarðar) vegna skriðanna sem féllu í lok síðasta árs.

Vel yfir hundrað manns sem mættu á mótið og endurinnkaup voru yfir 50 talsins. Verðlaunafé var yfir 500þ sem skiptist á milli efstu 27 spilara og sigursætið tók yfir 100þ og ánægjulegt að segja frá að endaði sú upphæð sem Coolbet lagði til Ísólfs rétt undir 300þ krónum.

Meira um mótið hjá austurfrett.is