M3 mót 3

Skrifað af Lomminn þann 30. Apr 2011 in Mót | 12 athugasemdir

Það var notarleg og þægileg stemning hjá Loga þar sem við vorum búnir að koma okkur þægilega fyrir í stofunni hjá honum og þakka ég honum fyrir móthaldið og meðlætið. Það var eitthvað um það að meðlimir fengu refsistig fyrir vankanta á skráningu og var Bóndinn sá eini sem slapp við refsingu af þeim sem mættu ekki.

Mótið gekk vel fyrir sig og fáar stórar uppákomur litu dagsins ljós þó menn hafi mátt þola slæma útreið stöku sinnum. Ég held þó að ekki hafi hallað á neinn hvað það varðar.

Fram að þessu hafði enginn Iðnaðarmaðurinn einungis fengið 7♠2♥ (vann ekki) en menn fengu þessa hönd 5 eða 6 sinnum á þessu móti þó svo engum hafi tekist að vinna á hana og því standa enn allir jafnar um 72 bjóra fyrir lokamótið sem verður eftir þrjár vikur (21. maí).

Lomminn er kominn á kunnuglegar slóðir í keppninni um lokapottinn í mótaröð 3.

Meðfylgjandi mynd sýnir eitt af nokkrum skiptum sem Eiríkur bjargaði sér frjá því að vera sleginn út. Hann er allur inn með Á♦9♥ á móti Bósa sem hafði K♣J♥. Floppið og turn-ið er:

5♥ J♦ 5♦ 5♣ og Bósi er kominn með fullt hús

River-ið er hins vegar Á♣ og Eiki bjargar sér á hærra húsi.

M3 – mót 2

Skrifað af Lomminn þann 2. Apr 2011 in Mót | 5 athugasemdir

Lokamótaröðin er nú hálfnuð og standa leikar nokkuð þétt á toppnum. Það var frekar fámennt á síðasta móti en 8 meðlimir höfðu skráð sig og þar sem Heimir skrópaði fengust einungis 7 stig fyrir að vera efsti meðlimurinn. Þetta rennir stoðum undir að setja refsingu á menn í tengslum við skráningu. Þarna sést að menn geta skráð sig á mót til að fylla upp í lágmarks þátttöku og mæta svo ekki án neinna afleiðinga.

Enn og aftur eru meðlimir Bjólfs að gera í buxurnar þegar utanaðkomandi spilarar mæta á svæðið. Valli mætti aftur og er svona hægt og rólega að ná tökum á spilinu. Því miður gleymdi ég að setja hann inn í töfluna þar sem ég er ekki með tölvuna en ég held að hann hafi lennt í 5. sæti (milli Loga og Andra). Ég gleymdi einnig Alexander líka sem stóð sig ágætlega en það voru þeir Helgi og Rúnar sem gerðu lítið úr atvinnumönnunum.

Staðan er komin inn og geta menn grátið yfir henni hver í sínu horni.

Mótið einkenndist af fjölda ofurhanda. Fjölmörg full hús litu dagsins ljós og yfirleitt voru þau samhliða sort eða söð. Þannig fengu margir á baukinn og urðu illa úti samanber meðfylgjandi mynd sem er útlistuð hér fyrir neðan.

Borðið var

7♥ 7♠ Á♠  3♠  5♣

Gunni Bóndi var með

Q♠ 9♠

Alexander sló sort Bóndans út með

K♠ 5♠

Rúnar bætti um betur og gerði lítið úr þeim báðum með fullu húsi

Á♣ 7♣

Þetta gerðist tvíveigis um kvöldið, þ.e. tveir aðilar með sort og sá þriðji með fullt hús.

Einnig er búið að uppfæra stöðuna um Bjólfsmeistarann 2011

Næsta mót

Skrifað af Lomminn þann 24. Mar 2011 in Mót | 18 athugasemdir

Af gefnu tilefni bið ég meðlimi að skrá sig sem fyrst í næsta mót. Eins mega þeir sem geta haldið mótið láta vita í commentum.

Bjólfsmeistari

Skrifað af Lomminn þann 22. Mar 2011 in Mót | 6 athugasemdir

Þá er það ákveðið. Það verður gerð Bjólfshúfa handa Bjólfsmeistaranum 2011. Til að finna meistarann verður einfaldlega lögð saman öll stig sem meðlimur hefur hlotið yfir pókerárið. Eins og gefur að skilja verður efsta sætinu ekki deilt milli manna og verður tekið heads up (eða milli allra jafnra) ef menn verða jafnir. Tekið verður úr sameiginlega sjóðnum fyrir húfunni og verður hún afhent eftir tímabilið með nafni meistarans. Ég set hönnun meistahúfunnar í hendur yfirhönnuðs klúbbsins, Loga Helgu.

Þið getið smellt á töfluna til stækka hana. Töfluna er einnig að finna undir mót

Næsta mót

Skrifað af Lomminn þann 25. Feb 2011 in Mót | 11 athugasemdir

Þá fer að styttast í fyrsta mótið í þriðju og síðust mótaröðinni (M3) á þessu pókerári. Ég hef beðið þess með óþreyju og ég veit að fleiri hafa gert það líka. Eins og menn ættu að vita ætla ég að bjóða meðlimum heim í mat fyrir mót og hafa þessir boðað komu sína í matinn:

Mikkalingurinn, Bósi, Logi, Massinn, Robocop, Pusi, Andri the Ace, Heimsi, Bóndinn og Hobitinn.

Gott væri að þeir sem hafa hugsað sér að koma í matinn skrái sig sem fyrst og láti vita í “Skilaboð” með matinn.

P.S. Eins og þið sjáið hef ég bakað sérstaka afmælisköku fyrir afmæli klúbbsins 🙂

Lomminn

Mótaröð 2 lokið

Skrifað af Lomminn þann 30. Jan 2011 in Mót | 10 athugasemdir

Nú er annarri mótaröð af þremur á þessu pókerári lokið og var það hinn heiðarlegi Bósi sem vann hana. Massinn hafnaði í öðru sæti og Iðnaðarmaðurinn náði því þriðja. Það voru þrír jafnir að stigum í þriðja sæti og var sú regla því sett á, að þátttaka í færri mótum skilar meðlimur ofar í sæti. Þetta er í vissri mótsögn við markmið klúbbsins um að sem “flestir meðlimir hittist einu sinni í mánuði” þar sem mönnum er hampað fyrir að mæta sjaldnar í tilvikum sem þessum en það gefur auga leið það er ekki vænleg hernaðaráætlun að stíla inn á þetta og því ekki óeðlileg regla.

Iðnaðarmaðurinn vann þriðja og síðasta mótið í mótaröðinni og því verður bounty á hann næst þó svo að það verði í nýrri mótaröð. Það sem stendur helst upp úr þegar ég fer að hugsa um mótið er hvað ég drakk mikið af “góðu” kaffi og skolaði því niður með köldu öli, ég man þó að Iðnaðarmaðurinn vann á K♦10♦

Ég minni þá sem eiga eftir að láta Loga fá upplýsingar um bolinn að gera það sem fyrst.