Hraðaaukning á heimasíðunni

Birt af Lucky Luke þann 17. Jul 2012 Í Fréttir | Engin ummæli

Eftir að hafa legið yfir hraðamálum heimasíðunnar hefur hún nú verið flutt (af hýsingaraðila) yfir á annan netþjón. Síðan er nú ekki nema um 3 sekúndur að hlaða sér upp á Íslandi í staðin fyrir að hafa verið 10-15, þannig að allir ættu að geta unað vel við þessa lagfæringu og auðveldað okkur störfin hér 😉

Tímabilið 2012-2013

Birt af Lucky Luke þann 11. Jul 2012 Í Blog, Mót | 18 Ummæli

Mótafyrirkomulagið verður sem áður: 3 mótaraðir sem hvert fyrir sig gefur stjörnu (★). Fyrstu tvær mótaraðirnar eru 3 mót/föstudagskvöld en síðasta mótaröðin einu kvöldi lengra þegar tímabilinu verður slúttað í bústað. Einnig er keppst um Bjólfsmeistarann (♣) 2013 sem er samanlögð stig í öllu tímabilinu…svo ekki sé nú gleymt 7-2 keppninni þar sem menn safna prikum og fá ríkulega borgað í bjór fyrir að sigra á bjórhöndina.…nánar um mótafyrirkomulagið.

Dagsetningar eru komnar hér á síðuna þannig að allir geta tekið þessa daga frá.

Enn er þó ekki alveg ákveðið með dagsetningu á lokakvöldið og bið ég menn að kjósa hér í skoðunakönunni til hægri.

Við byrjum 2012-2013 tímabilið föstudaginn 7. september og þá er stefnan að byrja daginn snemma og hittast yfir mat og gera jafnvel eitthvað fleira af okkur áður en við setjum yfir spilin.

Bjólfsmeistarinn 2012

Birt af Lucky Luke þann 8. Jul 2012 Í Blog | Engin ummæli

Til að halda því vel til haga þá stóð Eiki Bót uppi sem öruggur Bjólfsmeistari eftir lokamótið og hér má sjá hvernig tímabilið 2011-2012 fór.

Lomminn kvaddur,

Birt af Timbrið þann 29. Jun 2012 Í Fréttir | 3 Ummæli

Póker er spennandi dægradvöl þar sem leikendur geta slakað á, skemmt sér og notið vinalegrar samkeppni. Enginn annar leikur býður upp á sambærilega vitsmunalega örvun, tækifæri á að læra, og jafn góðan félagskap eins og póker gerir.

Þolinmæði, tölfræðivitund, kænska, sálfræði, ákvarðanataka og agi eru aðeins brot af þeirri lífsnauðsynlegu hæfni sem pókerspilari þróar með sér. En þrátt fyrir allt skemmtanagildið og gagnlegu eiginleika pókersins er einn ógeðfelldur þáttur, sem oft á tíðum skilur leikendur eftir í sárum, órjúfanlegur frá þessum annars fallega leik———“Bad Beats!”

“Bad Beasts” er þegar þú ferð inn með stóra summu, mjög góða hönd í farteskinu og nánast fullkomnar líkur á sigri. En á einhvern ótrúlegan hátt hittir mótspilari þinn, á síðustu stundu, á þetta eina draumaspil sem hann vantar til þess að sigra þig. Þessi órjúfanlegi þáttur pókersins er án vafa sá mest pirrandi. Þar sem póker er leikur hæfileika og útsjónasemi finnst spilurum “Bad Beats” oft á tíðum óviðeigandi og ósanngjarnir og valda þeim andvöku svo dögum skiptir.

Einn meðliður okkar frábæra félagsskaps kann manna best að taka slíkum uppákomum. Sá aðili er sá hinn sami og ég vil kveðja með þessum stutta pistli. Hann lætur sjaldan reiðina og gremjuna hafa áhrif á sig, heldur tekur þessu með æðruleysi og heldur áfram með sinn leik eins og ekkert hafi í skorist. Að rjúka upp í bræði, berja í borðið og kasta spilapeningum er eitthvað sem Lomminn getur ekki verið sakaður um.

Um leið og ég þakka Lommanum fyrir uppbyggingu Bjólfs, sem hann á mestan heiður af, vil ég þakka honum fyrir ómælda vinnu sem hann hefur lagt til klúbbsins. Ég er fullviss um að Lomminn muni rífa upp pókersamfélagið fyrir austan og koma því upp á næsta plan—,,Bjólfsplanið”.  Þín verður sárt saknað og erfitt verður fyrir nýjan aðila að fylla í skó þína.

Að lokum bið ég ykkur bræður mína vel að lifa. Sjáumst í haust, endurnærðir og sólbrúnir eftir sumarið.

Timbrið hefur talað.

BJÓLFUR OG FRAMTÍÐIN

Birt af Massinn þann 29. Jun 2012 Í Fréttir | 1 ummæli

Takk fyrir gott heimboð, ég fékk allavega þær veitingar sem mig langaði í. Þetta var virkilega gaman. Maður náði að svala þorstanum bæði hvað varðar spilamennsku og að hitta félagana. Æ ok, svo var fínt að svala bjórþorstanum aðeins líka. mmmmmm (Homer style).