Næsta mót á netinu

Skrifað af Lucky Luke þann 22. Mar 2020 in Fréttir | Engar athugasemdir

Í ljósi þess að COVID-19 herjar nú á heimsbyggðina þá ætlum við Bjólfsmenn að virða það óvissuástand á næsta móti.

Lomminn fann PPPOker sem hentar okkur bara þokkalega eftir prufukeyrslu í gær. Hann er formlega með stjórnina á rafrænu mótunum okkar og á skilið mikið lof fyrir að koma þessu á =)

Þannig að næsta mót verður fyrsta formlega rafræna mótið hjá Bjólfi. Þeir sem ætla að vera með eru hvattir til að sækja sér forritið og síðan er hægt að taka þátt í spjallinu á Facebook Messenger á meðan spilað er.

Hvað þarf að gera?

1. Hvernig finn ég klúbbinn í PPPoker?
   Eftir að búið er að ná í forritið þarf að slá í Club ID til að fá inngöngu í klúbbinn…upplýsingar um það eru á Facebook spjallinu, eða hafið samband við Lommann og hann hjálpar ykkur.
2. Hvernig tek ég þátt í spjallinu?
   Við hringjum í gegnum Facebook Messenger í spjallrásinni sem heitir Bjólfur þar sem allir eiga að vera nú þegar. Pikkið bara í einhvern okkar til að fá hjálp.
3. Hvernig millifæri ég?
   Setjið upp https://aur.is/ Appið og við ákveðum síðan hvernig við höfum þetta. Þá geta menn millifært með því að hafa símanúmer hjö mönnum og öll númer eru aðgengileg á meðlimasíðunni.

Fyrirkomulagið
Við gerum ráð fyrir að vera með svipað fyrirkomulag og áður þar sem menn geta gert rebuy en eigum eftir að útfæra það og ég mun láta vita þegar nær dregur. Við gerum svo ráð fyrir að menn millifæri bara á milli manna…spurning um að við tökum annað prufurennsli á mót og ræðum þessi mál í leiðinni =)

Uppfært 25.03.2020 – bætt við 3. lið varðandi millifærslur.

Frekari upplýsingar um COVID-19 á https://www.covid.is/

Lesa meira

Tíunda tímabilið (þriðja kvöld annarar mótaraðar)

Skrifað af Lucky Luke þann 7. Mar 2020 in Mót | Engar athugasemdir

Níu Bjólfsbræður enduðu hjá Bóndanum í gærkvöldi…þó svo að tveir þeirra hefðu gengið inní stofu á hæðinni fyrir neðan og mætt þar heimilisfólkinu að horfa á sjónvarpið…þá enduðu allir á réttum stað á endanum =)

Kvöldið

Eftir hlé fórum menn að detta út eins og flugur. Spaða Ásinn sem hampaði sigri síðast og var því Þúsari kvöldsins var fyrstur út fyrir hendi Bótarans og sagði að hann væri nú meira vanur því hlutskipti en að sigra 😉

Heimsi fór næstur, svo Lucky og Killerinn, Bóndinn og Nágranninn.

Bótarinn tók Bubble sætið, Mikkalingurinn 2. sætið og Iðnarmaðurinn kláraði kvöldið.

Staðan

Stigataflan hefur verið uppfærð og Bótarinn er kominn á toppinn með tveggja stiga forystu á Lucky en ef tekið er tillit til OPEN þá hefur Lucky en efsta sætið…þannig að toppbaráttan er svakalega spennandi…og síðan er Mikkalingurinn á blússandi siglingu á eftir þeim og til alls líklegur þó hann hafi misst af einu kvöldi.

Mótaröðin

Önnur mótaröðin kláraðist í gær en það á eftir að gera upp við næsta tækifæri:

1. sæti: Mikkalingurinn 7.500,-
2. sæti: Iðanarmaðurinn 4.500,-
3. sæti: Bótarinn 1.000,-

Lesa meira

Tíunda tímabilið (annað kvöld annarar mótaraðar)

Skrifað af Lucky Luke þann 9. Feb 2020 in Mót | Engar athugasemdir

12 Bjólfsbræður mættu til leiks á nýjan heimavöll hjá Bennsa sem bauð heim í fyrsta skipti…enda búinn að vera duglegur undanfarið að taka húsnæðið í gegn og undirbúa fyrir pókerkvöld =)

Bjórstig

• 

• 

• 

Bótarinn, Lomminn og Nágranninn náðu sér allir í bjórstig og Bótarinn meira að segja tvö en Lominn er þá einu stigi framar með samtals 3 stig eftir aðeins 3 kvöld og stendur nokkuð vel að vígi ef hann heldur svo áfram.

Eftir þónokkur spil fóru menn að detta út einn af öðrum. Kapteininn fór fyrstur, svo Bósi og Lucky. Bótarinn gat þá saxað á forskot Lucky á toppnum en fór næstur út og minnkaði því bilið aðeins um eitt stig. Bóndinn, Lomminn og Iðnaðarmaðurinn fylgdu og síðan Massinn, Bennsi og Timbrið. Nágranninn tók 3. sætið og Mikkalingurinn játaði sig sigraðan fyrir Spaða Ásnum sem tókst að landa langþráðum sigri.

Lesa meira

Bjólfur OPEN 2020

Skrifað af Lucky Luke þann 13. Jan 2020 in Boðsmót | Engar athugasemdir

Það var föngulegur hópur af 22 sem hittist á Rauða Ljóninu á föstudaginn og tók þátt í 10. OPEN mótinu.

Uppsetningin var einföld: 4.000,- krónur inn og engin endurkaup, tveir staflar af 15.000 í spilapeningum og hægt að sækja seinni staflann strax eða eiga hann inni ef maður skyldi detta út óvænt (en allir fengu hann eftir klukkutíma spil).

Verðlaunaféið var því 88.000,- sem skiptist 40%/30%/20%/10% milli efstu fjögra sæta og reyndust það vera Trommuþrællinn, Bósi, Lucky Luke og Gulli sem tóku verðlaun í þetta skiptið.

1. Trommuþrællinn
2. Bósi
3. Lucky Luke
4. Gulli
5. Ari Páll
6. Víðir
7. Spaða Ásinn
8. Drottningin
9. Njalli
10. Gummi
11. Friðjón
12. Gummi nágranni
13. Bóndinn
14. Kapteininn
15. Kári Killer
16. Iðnaðarmaðurinn
17. Timbrið
18. Eiki Bót
19. Mikkalingurinn
20. Bjarni
21. Brynjar
22. God Dog

Eins og síðustu ár vorum við með söfnunarbikar fyrir Minningarsjóð Jennýjar Lilju og ánægjulegt að segja að þar söfnuðust 52.000,- eftir kvöldið.

Frábært kvöld með góðum gestum og þökkum við öllum sem mættu og áttu með okkur góða kvöldstund =)

Lesa meira

Tíunda tímabilið (fyrsta kvöld annarar mótaraðar)

Skrifað af Lucky Luke þann 10. Dec 2019 in Mót | Engar athugasemdir

Góður níu manna hópur mætti til Iðnaðarmannsins á föstudaginn og sjaldséðir hrafnar voru þar á meðal. Spilað var á tvemur borðum og þegar Spaða Ásinn gekk frá borði var sameinað á lokaborðið.

Mikkalingurinn náði sér í bjórstig, en það gerði Lomminn líka tvisvar og þeir félagar því jafnir, báðir með 2 stig eftir 4 kvöld.

Þrátt fyrir að Pusi hafði verið að æfa sig kvöldið áður dugði það ekki til og var hann næsti maður út. Gestgjafinn var næstur og Lucky fylgdi á eftir. Bótarinn og Robocop skildu þrjá eftir og Mikkalingurinn tók bubble sætið.

Timbrið gerði það sem hann gat en réð ekki við Lommann sem tók sigurinn, einu sæti betur en síðast þegar hann mætti…þannig að hann með margt í tölfræðinni með sér eins og má sjá á stigatöflunni.

Lesa meira