Sjötta kvöld 9. tímabils lokið

Birt af Lucky Luke þann 2. Mar 2019 Í Fréttir, Mót | Engin ummæli

Við settums beint við lokaborðið hjá Kapteininum í gærkvöldi þar sem aðeins sjö Bjólfsbræður komust. Nágranninn var með afgerandi forystu í mótaröðinni en þar sem hann komst ekki var ljóst að næstu menn áttu hörku keppni fyrir höndum þar sem fá stig skildu menn að.

Heimavöllurinn var að gera góða hluti fyrir Kapteininn sem byrjaði mjög stöðugt að stækka staflann sinn. Sjöur voru að gera góða hluti og dæmigerð hönd var þegar að Q♣Q♦ hjá Bótaranum fóru á móti 7♣7♠ hjá Kapteininum og borðið var 8♠3♥2♥ með 5♠ á turn og Kapteininn kallaði og fékk 7♥ á river.

Fleiri voru að hitta á river og Mikkalingurinn náði því nokkrum sinnum á móti Lucky. Gott dæmi var J♣J♥ hjá Mikkalingnum sem litu ekkert allt of vel út á móti 7♣9♣ hjá Lucky þegar að borðið var 6♣8♣9♥ og með 7♥ komin í borð á turn…en J♦ á river bjargaði gosunum. Það er spurning hvort að heppnin hjá Lucky sé eitthvað að smitast yfir á aðra 😉

Mikkalingurinn náði að byggja sig vel upp á kostnað Lucky og tók forystuna á lokaspettinum. Iðnaðarmaðurinn tók bubble og Kapteininn endaði á að taka annað sætið og Mikkalingurinn átti góðan endasprett sem tryggði honum sigur á kvöldinu og í mótaröðinni.

Stigin

Stigataflan hefur verið uppfærð og takið eftir að röðunin miðast við mótin án OPEN en það er hægt að raða eftir stöðunni með OPEN mótinu með að raða eftir “M.OPEN” dálknum. Stigin hjá Eika og Lucky eru því hærri eins og er í þeim dálki þar sem þeir hafa mætt á öll móti og OPEN og allt talið saman í þeim dálk.

Engin bjórstig komu í hús þó menn hafi verið í góðu bjór-yfirlæti hjá Kapteininum sem bauð vel í tilefni dagsins. Timbrið datt út á síðustu stundu þannig að enginn gat gert upp bjórinn við hann og hafa því enn engir gert upp bjórskuldirnar sínar.

Takk fyrir heimboðið Kapteinn og allar veitingar og veigar =)

Næsta mót er 22. mars og þá byrjum við síðastu mótaröðina í 2018-2019 tímabilinu.

Bjólfur 2017 – 2018 hefst á morgun

Birt af Lucky Luke þann 7. Sep 2017 Í Fréttir | Engin ummæli

Bústaðurinn 2017

Birt af Lucky Luke þann 7. Aug 2017 Í Bústaður, Fréttir | Engin ummæli

Það var flottur hópur af Bjólfsmönnum sem hittist í maí í fyrsta skiptið í stóra bústaðnum og óhætt að segja að það er eindregin ósk að héðan í frá verðum við þar (eða amk í einu stóru húsi).

0 dagar í lokamótið – nokkrir klukkutímar í spil

Birt af Lucky Luke þann 13. May 2017 Í Bústaður, Fréttir | Engin ummæli

Skál bræður, þetta hefur verið skemmtilegt tímabil eins og alltaf…eftir nokkra tíma kemur í ljós hver hampar tiltlinum…

1 dagur í lokamótið – Bústaðurinn í dag

Birt af Lucky Luke þann 12. May 2017 Í Fréttir | Engin ummæli

…upphafið nálgast, einn fjögurra kónga reis upp og sagði “Rísið upp menn, það er verið að safna í spil”

Þegar Bjólfsmenn grípa í spil

Heyrið kallið komið allir
Kvöldið það er okkar svallið
Félagsskapur kenndur við Seyðisfjarðarfjallið
Allir hlæja, allir skála
Sumir rísa sumir falla
Það eru kongunar við borðið hér í kvöld
Spilin fljúga gegnum loftið
Hækka eða folda það er erfitt valið
Spilin fljúga gegnum loftið
Það er erfitt að sætta sig við tapið

2 dagar í lokamótið – Bjórstig

Birt af Lucky Luke þann 11. May 2017 Í Fréttir | Engin ummæli

Fram að þessu tímabili var hæðasti bjórstigafjöldi 4 stig sem Lucky Luke átti frá 2014 (en taka verður fram að bjórstig voru ekki skráð fyrir eldri ár en það og því vantar aðeins inní tölfræðina). Nú er búið að slá það met heldur betur því fyrir bústaðinn er Iðnaðarmaðurinn með 6 stig og helmingi fleiri en næsti maður.

20 bjórstig hafa landast á þessu tímabili og er það líka met en hérna eru síðustu ár:
11 tímabilið 2015-2016
18 tímabilið 2014-2015
10 tímabilið 2013-2014

Það er því ljóst að sjöa-tvistur hefur verið að gera sig á þessu ári. Þannig að öll bjórstigamet er fallin…bara spurning hvort það bætist við í bústaðnum enda helmingi lengri tíma til að hala þeim inn þar vegna þess að lotur eru tvöfallt lengri en á venjulegu heimamóti.