3 dagar í lokamótið – Reglubreytingar til umræðu í bústaðnum

Birt af Lucky Luke þann 10. May 2017 Í Fréttir, Reglubreytingartillaga | 1 ummæli

Í bústaðnum verða tekin fyrir nokkur mál sem þarf að ákveða fyrir næsta tímabil:

4 dagar í lokamótið – munchies fyrir bústaðinn?

Birt af Lucky Luke þann 9. May 2017 Í Fréttir | Engin ummæli

Ég hef þegar hafið að safna saman auglýsingavörum til að hafa við höndina í bústaðnum eins og í fyrra…þett er sérstaklega til að halda “hungruðum úlfum” frá aðalréttingum.

Þetta er einnig fínt fyrir viðkomandi fyrirtæki að kynna okkur fyrir nýjum vörum, ég viðukenni að snakk sem við fengum í fyrra er nú oftar en ekki til inní skáp hjá mér 😉

Þannig að við verðum með auka “maul” og enginn ætti að verða svangur um helgina.

5 dagar í lokamótið – gleymið ekki bjórnum og bjórgjöfum

Birt af Lucky Luke þann 8. May 2017 Í Fréttir | Engin ummæli

Nokkir hlutir sem er gott að muna eftir:

1. Bjólfsglas – ekki verra að vera með merkt glas við höndina 😉 eða Bjórkannan fyrir þá sem eiga hana.
2. Bjólfshandklæðið – þá finnurðu alltaf þitt handklæði 😉
3. Bjólfsbol(ur/ir) – valkvæm(ur/ir)
4. Bjólfshúfa – valkvæm
5. Sundskýla – valkvæm
6. Eitthvað að drekka
7. Cash
8. Rúmföt / svefnpoki (alltaf einhver sem gleymir þessu!)

Ekki þarf að hugsa út í neinn mat, við verslum hann allan fyrir félagsgjöldin…en þegar þið farið og verslið drykki fyrir bústaðinn gleymið þá ekki ef þið skuldið Bjórmeisturum síðasta árs bjór.

Hérna er yfirlit yfir uppgjörið og hægra dálkurinn er bjórinn og merkt við hverjir eiga eftir að gera upp:

Þannig að ef nafnið þitt er þarna í rauðu þá verslaðu auka kippu og gerðu upp þegar þú mætir 😉

6 dagar í lokamótið – hvað verður í matinn?

Birt af Lucky Luke þann 7. May 2017 Í Fréttir | Engin ummæli

Matseðill helgarinn:
Föstudagur: Hreindýraborgarar a la Bennsi
Laugardagur: Brunch of Kings, Nautalaund í kvöldmat

Bennsi er með borgarana og Bósi reddar kjötinu. Allt meðlæti verður verslað á leiðinni og Massinn og Heimi eru búnir að halda marga fundi og skipuleggja matinn, þannig að við ættum að vera í góðum höndum alla helgina.

7 dagar í lokamótið – mótafyrirkomulagið

Birt af Lucky Luke þann 6. May 2017 Í Fréttir | Engin ummæli

Eins og við vitum þá breyttum við reglum hjá okkur í vetur þannig að nú er ekki takmark á fjölda endurinnkaupa fyrstu tvær umferðirnar og verður það fyrirkomulag í bústaðnum. Eini munurinn er að þessar tvær umferðir helmingi lengri heldur en vanalega og því er hægt að kaupa sig inn fyrstu tvo klukkutímana.

Bjórstigum er safnað fyrstu fjórar umferðirnar, þannig að tíminn sem að sjöa-tvistur er í gangi er einnig lengri.

Mótafyrirkomulagið er því í grunninn eins og allir þekkja frá öðrum kvöldum nema lengt hefur verið í tíma umferða til að gefa mönnum lengri tíma með litla blinda.

Þannig að allt sem þið þurfið að muna:

1. Hægt að kaupa sig aftur inn fyrstu tvær umferðirnar
2. Bjórstig í gangi fyrstu fjórar umferðirnar
Lesa meira

8 dagar í lokamótið – Föstudagsspilið í ár

Birt af Lucky Luke þann 5. May 2017 Í Bústaður, Fréttir | Engin ummæli

Við höfum yfirleitt leikið okkur í einhverjum pókerleik á föstudagskvöldinu. Sælla minninga var High-Low (þar sem besta og versta hönd vann hverja hönd) þar sem Massinn féll út á fyrstu hönd með drottningar á hendi og var frekar foj yfir þessu öllu saman sem var hálf óskiljanlegt að halda reiður á enda breyttist allt mjög hratt.

Að þessu sinni munum við spila “Allir eru þúsari” þannig að hver sá sem tekur annan leikmann út fær þúsara (þúsundkall) að launum.

Annað verður svipað og við þekkjum, blindralotur hækka eins og ekkert verið að safna bjórstigum 😉 Allir fá 15þ chippa og þurfa ekki að kaupa sig inn, þetta er hluti af félagsgjöldunum.