Bjólfur 14.4

Skrifað af Lucky Luke þann 11. Dec 2023 in Fréttir | Engar athugasemdir

Desembermótið var haldið hjá Lucky og mótið hitti á afmælisdag Hr. Hugins (sem komst reyndar ekki vegna afmælisuppákomu) og einnig náði mótið inná afmæli hjá Lucky eftir miðnætti.

Bjólfur 14.2 hjá Hr. Huginn

Skrifað af Lucky Luke þann 11. Oct 2023 in Fréttir | Engar athugasemdir

14 tímabilið hélt áfram síðustu helgi þegar 2. kvöldið var haldið hjá Hr. Huginn og létu 11 bjólfsbræður fara vel um sig hjá kappanum enda einstaklega huggulegt á holtinu hjá Hr. Huginn og nóg af alls konar nammi í boði.

Bjólfur XIV hófst hjá Iðnaðarmanninum

Skrifað af Lucky Luke þann 11. Sep 2023 in Fréttir, Mót | Engar athugasemdir

Fjórtánda starfsárið hófs í gær þegar þrettán Bjólfsfélagar tóku í spil…og sá fjórtándi mætti svo eftir hlé þannig að það voru fjórtán Bjófsbræður sem hittust á fyrsta kvöldinu á fjórtánda tímabilinu 🙂

Eins og oft áður þá tókst okkur nú ekki að byrja á tíma og hléið var langt og gott…enda ekki annað hægt þegar Gestgjafinn er heimsóttur og menn eiga fullt í fangi bara með að smakka á öllu sem boðið er upp 🙂

Það var tekið á móti nýjum meðlim sem er nú með okkur til reynslu fram að næsta bústað 😉 hann sýndi meira að segja töfrabrög og reytti af sér sögurnar eins og honum einum er lagið.

Við pókerborðið hafi Bósi engu gleymt…og eftir nokkur spil var hann búinn að margfalda sig og áttu menn í mesta basli með Bósa’nn…enda langt síðan menn hafa setið móti honum yfir pókerspili.

Bjólfur XIV er á næsta leiti

Skrifað af Lucky Luke þann 29. Aug 2023 in Fréttir | Engar athugasemdir

Senn líður að nýju tímabili og14. pókerárið okkar er á næsta leiti. Hvað mun gerast á þessu 14. starfsári okkar? Fáum við enn nýjan Bjólfsmeistara? eða standa þeir gömlu uppi sem sigurverar? Hver tekur bjórinn, hver tekur kvöldin og hverjir mæta og bæta sig? Það er allt opið.

Hvað sem því líður þá er er nokkuð víst að það verður gaman hjá okkur og aldrei að vita en við fáum heimboð á nýja staði og jafnvel í nýja pottnum? …og jafnvel nýjum fleygum setningum?

Fyrir komandi tímabil er gott að renna yfir siðareglunar, finna búnað og boli og rifja upp nokkur góð myndbrot frá fyrri árum…og telja niður:

Breytingar á lokapottum fyrir Bjólfur XIV

Skrifað af Lucky Luke þann 21. Aug 2023 in Fréttir, Reglur | 1 ummæli

Í gegnum árum höfum við tekið helminginn af innkaupagjaldi (buy-in) og sett í mótaröð (3 kvöld) og hins vegar í meistara/bústaðapott. Síðarnefndi potturinn var hugsaður fyrir meistaragjafir og sérstök bústaðamót en hefur yfirleitt verið nýtt til að hjálpa til með gjöld við bústaðinn og aldrei skilað sínum tilgangi.

Þannig að nú verður breyting á því að þessi pottur er lagður niður. Engin breyting er á innkaupagjaldi, það er enn 2.000,-, og helmingur þess fer nú allur í mótaröðina þ.s. þrír efstu menn hverrar mótaraðar (þriggja móta) fá verðlaun skv. upplýsingum um mótaraðir (lokapott) hefur verið uppfærð m.t.t. þessarar breytingar.

Þessar breytingar auðvelda utanumhald (að þurfa ekki að halda utan um tvo hluta) sem og að verðlauna þá sem standa sig vel á mótaröð, en oftar en ekki ná menn ekki neinum verðlaunum á neinu kvöldi en landa samt skerfi af mótaröðinni.

Bjólfur XIII – Tímabilið 2022-2023

Skrifað af Lucky Luke þann 20. May 2023 in Fréttir | Engar athugasemdir

Tímabilinu 2022-2023 lauk með góðri bústaðaferð og lokamóti í byrjun maí þar sem þrettánda starfsári Bjólfs var fagnað í góðra vina hóp og smá tölfræði fyrir mótaröðina fylgir hér á eftir.