Níundi í Bjólfi…vindar breytinga í bústaðnum 2022

Birt af Lucky Luke þann 11. May 2022 Í Bústaður, Fréttir, Mót, Myndir, Varningur | 1 ummæli

Það var mikil spenna þegar Bjólfsbræður fóru að safnast saman í litlu bústöðunum á Apavatni. Fengum ekki stóra bústaðinn í ár en náðum tvemur litlum og eins og oft áður var smá spölur á milli þeirra...en allir sem þar gistu komust heilu á höldnu á milli þó þeir hafi þurft að “stika” sér leið í myrkrinu 😉

Vindar breytinga

Það var búið að lýsa því yfir fyrir helgina að það yrðu breytingar á matarvali og því ljóst að margra ára hefð yrði brotin…en það var ekki það eina sem breyttist. Strax snemma á föstudeginum mætti formaðurinn með varninginn…

Ný handklæði

Formaðurinn dreifði nýjum merktum handklæðum sem að þessu sinni eru gul. Eiga nú allir ný merkt handklæði og einhverjir eldri eiga líka gamla græna…frábært fyrir þá sem nota þetta mikið og mikill kostur að vera með þessi merkt í bústaðnum svo allir finni nú sitt 🙂

Föstudagskvöld

Grillið var sett í gang á föstudeginum og skellt í svakaleg pulsu/pylsu-veisla…en hún fór misvel í mannskapinn því þrátt fyrir predikanir um að menn þyrftu ekki að borða nema einu sinni í mánuði var vel étið og mátti finna það á lyktinni fram eftir kvöldi 😉

Spaða Ásinn hélt árlegt pub-quiz sem var almenns eðlis þetta árið vegna anna í vinnu en æsispennandi.

Síðan var því fylgt eftir með þrautaleik frá stjórninni og hressu myndbandi sem tók aðeins á síðasta bústað og vægast sagt féll það vel í mannskapinn þar sem menn voru grátandi…og sumir öskrandi af hlátri 😀

Síðan fengu myndir frá pókerkvöldum fyrri ára að rúlla á skjánum og hitaði það svo í mönnum að taka í spil að það var tekið föstudagsmót. Oft höfum við haft eitthvað öðruvísi/undarlegt spil á föstudeginum en í þetta skiptið var ekkert planað og bara tekið hefbundið mót án endurinnkaupa.

Mikkalingurinn fann á sér að hann væri í stuði og vildi endilega hækka innkaupagjaldið en fékk litlar undirtektir. Hann var í fanta formi eins og hann hefur verið á öllu tímabilinu og endaði á að taka föstudagsmótið…góð upphitun fyrir síðasta mótið? Eða kannski ekki þ.s. hann sagði við Lucky í byrjun spils að ef hann yrði heppinn í kvöld gæti hann ekkert á morgun…og fékk sama svar til baka 😉

Laugardagshlaup

Samkvæmt dagskrá stjórnar var áætlað hlaup kl. 10 á laugardagsmorgni. Menn voru árrisulir og tilbúnir í hlaup klukkutíma fyrr og farnir út tíu mínútur fyrir 10 en á leiðinni var hlupið framhjá svefnbústaðnum þ.s. Lucky stóð í dyragættinni öskraði að klukkan væri ekki orðin 10 😀 en dagskráin hafði reyndar verið auglýst með fyrirvara um breytingar…en allt fór vel og hópurinn beið eftir Lucky sem skellti sér í hlaupafötin og hljóp með Mikkalingnum, Kapteininum, Massanum og Bóndanum. Menn fóru mislangt og bara eins og þeir vildu hafa það…var þetta fyrsta hlaup hjá Hlaupahópi Bjólfs?

Pottnum

Það var gott að komast í pottnum eftir hlaup, milli mála, í blíðunni…og bara hvenær sem mönnum datt í hug. Ekkert hægt að kvarta yfir pottnum í ár og enginn sem skvetti pottnum þó menn hafi hamast duglega þegar stress relief var hellt í og menn bursluðu vel til til að hrista upp í því.

Spænskt þema í matnum

Það voru breytingar í matarvenjum í ár og spænskt þema sem réð ríkjum…enda Massinn búinn að vera bústettur þar lengi og lært magt gott sem hann vildi deila með okkur.

Brunch í ár var Pan con Tomate con Aguacate og þó að einhverjir hafi nú hótað því að steikja sitt eigið beikon þá kom ekki til þess og allir sáttir með að prófa eitthvað nýtt þó að ekkert væri beikonið eða sýrópið 🙂

Það var tekið gott matrahlé þegar yfirkokkarnir (Massinn og Heimsi) keyrðu eldhúsið í gang í hléi og áfram hélt spænska þemað með fjalli af Bacalao con chan­faina sem rann ofan í mannskapinn.

Spilið

Það var allt í járnum fyrstu 2 tímana á meðan spilað var fram að hléi…einhverjir keyptu sig aftur inn og einhverjir unnu og töpuðu…en þegar kom að hléi var enginn afgerandi…sumir vel settir og aðrir rétt bara með byrjunarstaflann…en allt opið.

Eftir hlé fór menn að detta út einn af öðrum. Spilað var á tvemur borðum með sex á hvoru borði.

Spaða Ásinn tók að sér að vera fyrstur út og Mikkalingurinn næstur…klárt að hann kláraði kannski spilaheppnina á föstudeginum??? Hobbitinn var þriðji út og Heimsi fjórði og þá voru fjórir dottnir út og hægt að sameina á lokaborð…en fyrst þurfti að klára spil á öðru borðinu og þá duttu tveir út til viðbótar: Kapteininn og Iðnaðarmaðurinn og því aðeins sex sem settust saman á lokaborðið.

Lomminn lenti fljótlega illa í því með 2 litla spilapeninga eftir…en á tvemur höndum tókst hann að tólffalda sig upp og kominn aftur inní spilið…það dugði þó ekki lengra þar sem hann var fyrstur út frá lokaborðinu.

Bótarinn datt næstur út og þar með ljóst að Lucky færi með sigur í Bjólfsmeistarabaráttunni þar sem enginn gat komist hærra en hann.

Bóndinn tók bubble sætið sem fjórði síðasti út.

Bennsi tók 3ja sætið og skildi Hafnfirðingana Lucky og Massann eftir í lokarimmunni.

Sú rimma var stutt…eftir aðeins nokkur spil fór Lucky allur inn með 5♥5♠ og Massinn sá hann með Q♦J♣…í borð kom 7♣8♥Q♦ og K♣ á turn skildi bara eftir tvær fimmur í bunkanum til að bjarga lucky en 6♦ á river tryggði Massanum fyrsta bústaðasigurinn.

Sigurvegarar

Mikkalingurinn tók mótaröðina, Bótarinn í öðru og Lucky í þriðja. En í móti kvöldsins var það Massinn sem sigraði bústaðinn, Lucky í öðru og Bennsi í þriðja.

Bjórmeistarinn

Bóndinn var sá eini sem náði að landa bjórstigi í bústaðnum…en það dugði nú skammt á móti þeim 5 stigum sem Kapteininn var þegar búinn að landa fimm stigum og tryggði sér þar með Bjórmeistarann í ár…og annaðþriðja skiptið sem hann landar þeim titli.

7-2 keppnin fór sem segir:

5 stig – Kapteininn
4 stig – Lucky 4 stig
2 stig – Nágranninn
1 stig – Bótarinn
1 stig – Bennsi
1 stig – Bóndinn

Bjólfsmeistarinn 2022

Lucky náði lengst af efstu mönnum og landaði því 7. bjólsfmeistaratitlinum og fékk að launum fyrsta gula bolinn. Það var klárt að Mikkalingurinn hafði jinx-að sjálfan sig með föstudagsspilinu og Bótarinn náði ekki að komast lengra en Lucky til að koma sér upp fyrir hann.

Portret myndir

Hobbitinn var duglegur að mynda og tók portret myndir af öllum sem mættu…nema sjálfum sér en lét bara eina góða fylgja…hérna er gallerý af þeim myndum

Myndir

Nokkrar myndir sem ekki komust inn hérna að ofan

Áttundi í Bjólfi

Birt af Lucky Luke þann 13. Apr 2022 Í Fréttir, Mót | Engin ummæli

Það voru nokkrir útvaldir sem mættu á fyrsta mótið í Þorlákshöfn (ekki Hveragerði eins og sumir héldu 😉 í nýju villuna hjá Heimsa. Ekki hægt að segja annað en vel hafi farið um menn…sumir mættu snemma og tóku pottnum áður en byrjað var að spila.

Þegar að sest var við spilið byrjaði heimavöllurinn á að gefa vel fyrir gestgjafan og þónokkuð af chippum sem færðust yfir á hann ásamt eina bjórstigi kvöldsins.

Röð þeirra sem duttu út

• Lucky ákvað að yfirgefa spilið fyrstur. Þrátt fyrir að hafa landað konunglegri litaröð þá fór kannski of mikið af heppninni í það spil…enda var hann búinn að hafa orð á því á leiðinni að hann og Bótarinn þyrftu að detta út snemma og Mikkalingurinn að komast langt til að jafna Bjólfsmeistarabaráttuna…þannig að honum fannst bara fínt að reyna að jafna þetta aðeins 😀
• Spaða Ásinn var næstur eftir að hafa lítið gengið og landað fáum spilum…kannski bara að spara sig fyrir bústaðinn?
• Bótarinn hafði átt erfitt uppdráttar frá upphafi og ákvað að segja þetta gott og sjá hversu langt Mikkalingurinn myndi saxa á hann.
• Heimsi sem hafði verið að safna grimmt spilapeningum játaði sig sigraðan á nokkrum hönum sem féllu ekki með honum.
• Hobbitinn sem fékk líflínu fyrr um kvöldið þegar það leit allt út fyrir að hann væri að detta út en slapp í split pot og fór á skrið eftir það…en dugði bara uppí bubble sætið.
• Mikkalingurinn endaði allur inn með Á♦2♦ á móti 6♦6♣ hjá Nágrannanum og þegar floppið kom 5♦5♠Á♥ leit allt vel út…þangað til 6♠ mætti á turn og breytti lægra parinu í hús og 8♠ á river breytti engu og Mikkalingurinn tók annað sætið.
• Gummi nágranni gerði sér lítið fyrir og rúllaði upp kvöldinu…enda mætti hann manna fyrstur og var búinn að liggja vel í pottnum og undirbúa sig

Örfáir fengur svo að gist í villunni og brunuðu svo í bæinn um morguninn og skildu Heimsa eftir í tiltektinni 😉

Yndisleg kvöldstund (og nótt hjá sumum) og frábær upphitun fyrir lokamótið/bústaðinn sem er á næsta leiti.

Bjólfsmeistarabráttan er æsispennadi með alla gömlu Bjólfsmeistarana jafna með 129 stig og Kapteininn 4 stigum á eftir þ.s. hann sleppti þessu kvöldi og gaf upp forystuna.

Heimsi veðjar bara á hjarta um þessar mundir

Boðsmót Bjólfs 2022

Birt af Lucky Luke þann 25. Feb 2022 Í Bjólfur OPEN, Boðsmót, Mót | 1 ummæli

Þá er loks komið að því aftur að við bjóðum gestum að spila með okkur. Við náðum mótinu 2020 saman (eins og myndin fyrir ofan ber vitni um) en í fyrra vorum við á netinu vegna Covid…en getum nú hist aftur miðað við núverandi reglur.

Eins og alltaf verðum við á Ljóninu og fyrirkomulagið einfalt, 4þ kall inn, engin endurkaup. Hver spilari fær 2×15þ chippa og getur haldið eftir öðrum (15þ. kr. staflanum) og átt inni ef hinn klárast eða sótt hann hvenær sem er fyrsta klukkutímann…þá fá allir hann sem ekki hafa sótt og spilað þar til sigurvegri situr eftir.

Mótið hefur nú fengið rétt nafngift sem Boðsmót og leggjum við þar með OPEN nafninu sem notast hefur verið hingað til. Bæði er það fallegra á okkar ylhýra sem og meira lýsandi um að mótið er aðeins aðgengilegt með boði frá Bjólfsmanni en ekki opið hverjum sem er.

Í ár munum við eins og oft áður hafa frjáls framlög til styrktar Minningarsjóð Jennýjar Lilju og þið sem viljið kynna ykkur það nánar bendum við á https://minningjennyjarlilju.is/ <3

Sjáumst á fyrsta Boðsmóti Bjólfs (og jafnfram því 12. 😉

Talaðu við þinn Bjólfsmann ef þig langar að vera með 😉

Fyrir þá sem vilja skoða hvernig fyrri mót hafa verið þá er hægt að fletta í gegnum fréttir af fyrri boðsmótum.

Þriðji í Bjólfi

Birt af Lucky Luke þann 13. Nov 2021 Í Mót, Rafmót | Engin ummæli

Þriðji í Bjólfi á þessu tímabili var fyrsta rafmótið í ljósi fjölgunar smita í samfélaginu.

Spilið

• Lomminn byrjaði rólega en svo nennti hann þessu ekki og fór allur inn og yfirgaf svæðið en búinn að lýsa því yfir að hann hefði mikilvægari hnöppum að hneppa…en setti samt um mótið fyrir okkur sem við erum þakklátir fyrir (en það má samt laga sniðmátið þannig að rebuy séu bara fyrsta klukkutímann/fyrstu 2 loturnar)
• Þannig að við vorum 6 á spjallinu á netinu og í spilinu
• Casharinn settur á fóninn og við tóku rólegheit yfir spili
• Kapteininn nældi sér í ódýrt bjórstig
• Lucky nældi sér í bjórstig og spilaði út bílasalana með að hækka ítrekað án þess að bæta borðið sem var fullt af háspilum
• Bóndinn þakkaði fyrir pent fyrir sig og yfirgaf okkur
• Lucky nældi sér í annað bjórstig með að tala um að það þyrfti að fara að lækkka rostann í Bótaranum sem var kominn á svakalega siglingu
• Nágranninn tékkaði sig út úr spilinu þegar hann tapaði með AA og þakkaði fyrir kvöldið
• Bruggarinn nældi sér í þriðja bjórstigið…og kominn með 2 stiga forystu í bjórmeistarakeppninni á Kapteininn (Lucky 4, Kapteininn 2 og Bótarinn 1)
• Bótarinn var með yfirburðarstöðu þegar kom að hléi (sem var klukkutíma seinna á átti að vera). Þá sat hann með 19k, Lucky 5k, Mikkalingurinn 4k og Kapteininn 2k…hann var því með næstum tvisar sinnum meira en þeir til samans
• Kapteininn var næstur til að yfirgefa borðið og kvaddi með þeim orðum að verðlaunin (12þ/6þ) yrðu borguð út á morgun
• Eftir 2.5h hafi staðan aðeins snúist og var Lukcy orðinn efstur með 14.5, Eiki 13k og Mikkalingurinn 2k og sagði sá síðasti að hann væri sáttur með að næla sér í annað sætið og koma út í plús eftir nokkur re-buy
• Mikkalingurinn fór að vinna sig aftur upp í um 5k
• Menn róuðust aðeins þ.s. enginn vildi enda í bubble sætinu…
• Eftir 3h var Lucky enn stærstur með 15k, Bótarinn dottinn niður í 8k og Mikkalingurinn kominn uppí 6k og búinn að taka þokkalega af Bótaranum
• En nokkrum mínutum seinna sat Bótarinn pínulítill (um 1K) eftir að hafa farið móti stærra húsi hjá Lucky og endaði því í bubble sætinu í næsta spili
• Mikkalingurinn og Lucky tóka góða rimmu í um hálftíma og þá var Mikkalingurinn búinn að tvöfalda sig úr 5k í 10k en tapaði svo helmningum aftur til baka og kominn á byrjunarreit.
• Næsta spil fara þeir báðir all í fyrsta skipti í rimmunni…Mikkalingurinn með AJ á móti A10…í borð kom J og leit út fyrir að Mikkalingurinn væri að tvöfalda sig en þar leyndist líka K og Q kom á turn sem gaf Lucky eitt af sínum einkennis heppnis spilum fyrir sigurinn (en klárt mál að það var til lukku að mæta í “Ég er Bjólfari” bolnum þar sem sigurvegararnir voru báðir klæddir honum…auk þess sem Mikkalingurinn hafði flaggað sigurbolunum sínum í bakgrunni sem vakti mikla lukku…og var hann líka duglegur að dást að þeim og benda á hvað þeir tækju sig vel út =)
• Mikkalingurinn tók því bubble sætið fegins hendi eftir að hafa verið lítill klukkutíma áður
• Lucky tók sigur og færði sig einu stigi nær efstu mönnum

Mótaröðin & Bjólfsmeistarinn

• Mikkalingurinn tók sigur í fyrstu mótaröðinni, Bótarinn í öðru og Lucky í þriðja
• Kapteininn er næstur í röðunni og allt enn opið fyrir þessa í Bjólfsmeistarakeppninni…Nágranninn er einnig með fullt hús stiga í mætingu en aðeins að detta aftúr úr efstu mönnum og þarf að vera rosalegur það sem eftir er tímabili til að eiga möguleika á toppsætinu

Fleygar setningar

• “Styðsta innkoma sem ég hef séð” (eftir að Lomminn hvarf fljótlega)
• “Er Bósi ennþá í klúbbnum?” (Þegar að einhver hélt að Bósi væri mættur í spjallið…en var bara bakgrunnsmynd)
• Barn kíkti á okkur og sagði pabbi þar sem andlitið Bósa blasti við 😉
• “Strákar eru þið búnir að átti ykkur á einu…við erum komnir á lokaboðið”
• “Lucky River”
• “Þetta er aðal borðið í kvöld”
• “Hvernig getur maðurinn verið svona heppinn alltaf?”…”Góður”
• “Þá tekur maður Hobbitann á þetta”
• “Það er hægt að vinna hann” (þegar Lucky náði að sigra Bótarann í einu spili eftir að hann hafði verið með í öllum höndum í klukkutíma og unnið allt)
• “Báðir með tíurnar eins og ég…djöfull var ég ánægður að hafa foldað…NEI ég hefði fengið lit” (lucky eftir að hafa foldað 3h5h (alltaf að spila á afmælisdaginn hans Nonna))
• “Ég er búinn að vera að tala og tala en var á mute” (Kapteininn eftir að hann datt út og þagnaði skyndilega eins og hann hefði rokið í burtu)

“Þá tekur maður Hobbitann á þetta”

“Lucky River”

“Er Bósi ennþá í klúbbnum?” (Þegar að einhver hélt að Bósi væri mættur í spjallið…en var bara bakgrunnsmynd)

Annar í Bjólfi

Birt af Lucky Luke þann 2. Oct 2021 Í Fréttir, Mót | Engin ummæli

Föngulegur hópur sem byrjaði kvöldið á Fjörukránni áður en haldið var á nýjan völl þegar spilað var í fyrsta skiptið hjá Massanum í nýja Aðsetrinu hans þar sem fór einstaklega vel um alla. Klárlega staðsetning sem menn vilja heimsækja oftar og helst útvíkka á næstu bil 😉

Bjór

Það eru vel upp aldir menn sem hlýddu Bjórmeistara síðasta árs og gera upp við hann í þeim bjór sem honum þykir vænt um eins og sjá má af myndunum af þeim sem gerðu upp.

Það voru þrjú bjórstig sem skiluðu sér í hús í Bjórmeistarakeppninni og Kapteininn, Bótarinn og Lucky þar með einir komnir á blað eftir tvö kvöld.

Spilið

Spilið hófst og eftir gott hlé byrjuðu menn að detta og tók Timbrið fyrstur pokann sinn og á eftir fylgdu; Iðnaðarmaðurinn, Nágranninn og Hobbitinn og var þá sameinað á lokaborðið.

Þar var Hr. Huginn fyrstur út á sama tíma og Heimsi. Heimavöllurinn dugði ekki lengra fyrir Massann og Mikkalingurinn náði ekki að fara alla leið eins og síðast.

Lucky tók bubble sætið og Kapteininn nældi sér í þriðja sætið og kom út á sléttu eftir að hafa keypt sig þrisvar aftur inn. Mögulega var það Kapteinn sem yfirgaf borðið með Á♥Á♦ á móti 5♠5♣ þegar að floppið kom J♣2♣10♣ og 6♠6♣ endaði með lit á móti ásaparinu.

Lokarimman var því a milli Bótarans og Killersins en sá síðarnefndi hafði mætt síðastur á mótið og byrjaði af krafti þegar hann settist niður…á tímabili var hann dottinn niður í tvo svarta en vann sig svo aftur upp og kominn í úrslit og var mun lægri á tímabili og stutt frá því að verða undir.

Killerinn náði að vinna sig vel inní spilið og á tímapunkti enduðu þeir báður all inn, Killerinn með 8♣9♣ á móti 6♦6♠ hjá Bótaranum…fyrsta spil í floppinu var 6♣ og Bótarinn kominn með þrennuna og leit vel út…8♦9♠ gáfu Killernum von með að fá húsið…6♦ gerði út um spilið þegar Bótarinn tók fernuna og kom sér aftur í vænlega stöðu.

Stuttu seinna var Killerinn með K♥J♠ og með 9♥10♠Q♠ var hann með röðina. Bótarinn með Á♥7♥ fékk Á♠ á river til að gefa möguleika á að fá hærri röð…en enginn kóngur á river (heldur 6♣) og Killerinn nældi sér í sigur.

Staðan

Staðan hefur verið uppfærð á Bjólfsmeistarinn 2022 og Mikkalingurinn og Bótarinn eru með 2 stiga forystu í toppsætinu á Kapteininn sem er líka með 2ja stiga forskot á Lucky og Heimsa. Massinn 3 stigum á eftir þeim og Nágranninn og Iðnaðarmaðurinn aðeins neðar en aðrir hafa bara mætt á eitt mót og þurfa að spila svakalega til að ná að blanda sér í toppbaráttuna.

Fyrsti í Bjólfi

Birt af Lucky Luke þann 4. Sep 2021 Í Fréttir, Mót | 3 Ummæli

Það var svaðalegur hópur sem mætti og fagnaði “Fyrsta í Bjólfi” á nýju tímabili. Að vanda vorum við hjá Iðnaðarmanninum (aka Gestgjafanum) sem passaði að vanda vel uppá alla sem létu sjá sig.

Uppsafnaður spenningur og langt síðan menn höfðu spjallað töfðu aðeins byrjunina á mótinu…en það var allt í góðu og henta fínt fyrir Robocop sem meldaði sig óvænt inn rétt fyrir mót.

Bjór

Bjórmeistari síðasta árs (Kapteininn) fékk uppgjör frá tvemur í kvöld og eins og sjá má af myndunum vissi hann ekkert hvernig hann ætti að taka svona góðum gjöfum =)

Engin bjórstig komu í hús þrátt fyrir að Nágranninn fékk nóg af tækifærum. Hann fékk 7-2 þrisvar sinnum fyrsta klukkutímann…en náði aldrei að gera sér mat úr því og þegar hann varaði menn við að spila á þessa hönd voru einhverjir fróðir menn sem bentu nú á að þetta væri versta höndin 😀

Spilið

Það voru margir á því að þetta yrði þeirra kvöld…og jafnvel þeirra tímabil…en fáir sem voru jafn graðir og Kapteininn sem byrjaði af krafti á bláa borðinu og lét aldrei minna en regnboga sjást þegar veðjað var. Hann stoppaði allar tilraunir Nágrannans að fá bjórstig og safnaði sér góðum stafla fyrir hlé.

Robocop mætti seint til leiks og lét það ekki stoppa sig og spýtta bara í lófana og hóf að hafa spilapeningana af hinum við rauða borðið eins og enginn væri morgundagurinn og var einnig með vænlega stöðu í hléi.

Eftir hlé…

Iðnaðarmaðurinn var fyrstur til að stíga upp frá borðinu…en var hann búinn að vera sveittur að undirbúa og elda fyrir kvöldið og heimavöllurinn að gera neitt fyrir hann í kvöld.

Eftir að hafa margkeypt sig inn, eftir að elta bjórstig, var Nágranninn næstur út. Hann réð illa við Kapteininn og þrátt fyrir að geta fagnað því að sigra hann einu sinni (og hvatt menn til að mynda þann atburð) þá dugði það ekki til því Kapteininn mætti fljótt aftur með sigur og þá var ekki jafn spennandi að mynda það sem gerst hafði 😉

Þá voru aðeins 8 eftir og sameinað á lokaborðið.

Bóndinn var næstur til að taka pokann sinn…enda styttist í næsta túr og þegar ljóst að hann missir af næsta móti 🙁

Þá var komið að Massanum sem var búinn að vera að safna í smá hobbita og hanga á 3 spilapeningum ansi lengi en þegar hann endaði allur inn á móti Kapteininum kom upp að Mikkalingurinn, sem var að gefa, skellti öllum fold spilunum ofan á spilabunkann. Þetta sáu menn og voru spilin bara talin ofan af bunkanum, spilið gefið og Massinn dottinn út. Þá var nú minn maður ekki alveg sammála og ætlaði eitthvað að fara að malda í móinn…en þar sem hann var á móti Formanninum þá reyndist það erfitt. Einhverjir höfðu nú orð á því að þetta væri líklega bara refurinn í Mikkalingnum að ná svona stórlaxi út…enda væri svona lagað ekki tekið gilt í Halifax.

Hér er kannski gott að minna menn á að vera ekki of duglegir að taka til á spilaborðinu fyrr en spili er lokið.

Lucky var orðinn lítill og fór allur inn með þrjá tígla í borði á móti Robocop sem hélt á tíupari…sá síðarnefndi var nýbúinn að segja að það þyrfti bara að fara á móti Lucky til að vinna sem hann og gerði og slapp við tígul og sendi Lucky heim.

Eftir að hafa verið á siglingu fyrir hlé fór jafn og þétt að minnka staflinn og endaði svo að Kafteinn var svo illa særður eftir að vera með fullt hús 444QQ en Robocop 444KK og Robocop þá kominn með chip lead. Stuttu seinna horfir Kapteininn á kónga og hækkar en er séður af Robocop…gjafari átti í smá vandræðum í floppi og ás sýndur sem var brendur…Kapteininn fer all inn og Robocop í smá vanda með tvo ása á hendi og veit að einn er brenddur…en sér samt og tekur Kapteininn út.

Bótarinn dugði þá ekki lengur…búinn að vera allt of lengi að spila og löngu kominn háttatími.

Heimsi tók bubble sætið eftir að vera búinn að svellkaldur allt kvöldið og lét ekkert stoppa sig…en var að játa sig sigraðan með 2♦3♥ á móti Á♠4♠ hjá Mikkalingnum þegar að hvorugur þeirra hitti neitt og high card hjá refnum bætti borðið og tók sigurinn og þúsarann…enda er Á♠ alltaf (yfirleitt) góður 😉

Robocop var búinn að vera á fullu síðan hann kom…en varð að játa sig sigraðan á endanum…enda var refurinn ill viðráðanlegur og líklega ekki hættulaust styggja hann of mikið.

Mikkalingurinn tók því fyrsta sigurinn og byrjar af jafn miklu öryggi og eins í fyrra.

Frábært kvöld eins og alltaf…helstu uppýsingar um stöðuna hægt að sjá á Bjólfsmeistarinn 2022 (eða stöðusíðunni) og næsta mót verður í Athvarfinu og verður spennandi að hittast á nýjum stað 🙂